అంబేద్కర్ జయంతి సందర్భంగా తెదేపా అధినేత చంద్రబాబు, ఆపార్టీ జాతీయ ప్రధాన కార్యదర్శి నారా లోకేశ్.. నివాళులు అర్పించారు. ప్రశ్నిస్తేనే సమాజంలో మార్పు వస్తుందని నమ్మి, ఆచరించి, విజయం సాధించిన పోరాట యోధుడు భీమ్‌రావ్ అంబేద్కర్ అని కొనియాడారు. చెడును నిలదీశారు కాబట్టే.. తన ఎదుగుదలపై దాడిచేసిన కుల వివక్ష నుంచి తనను తాను రక్షించుకోవడమే కాకుండా, ఆ వివక్షనే నిర్మూలించే స్థాయికి ఎదిగారన్నారు.
నేటికి సమాజంలో కులవివక్ష కారణంగా ఎంతో మంది అనిచివేతకు గురౌతున్నారని వ్యాఖ్యానించారు. ఇలాంటి అహంకారాన్ని ఎదిరించడంలో అంబేద్కర్ సాహసం మనకు ఆదర్శం కావాలని చంద్రబాబు పిలుపునిచ్చారు. అంటరానితనాన్ని చట్టపరంగా అరికట్టటంలో అంబేద్కర్ కృషి ఎనలేనిదని లోకేష్ కొనియాడారు.
ఇదీ చదవండీ.. భారతరత్న బీఆర్ అంబేడ్కర్కు ఘన నివాళులు
