తెలంగాణలో బాణసంచాపై నిషేధం

తెలంగాణ హైకోర్టు ఆదేశాల మేరకు కేసీఆర్ సర్కారు బాణసంచాపై నిషేధం విధిస్తూ...ఉత్తర్వులు జారీ చేసింది. పర్యావరణ కాలుష్యాన్ని దృష్టిలో ఉంచుకుని ప్రజలు బాణసంచా కాల్చొద్దని ప్రభుత్వం కోరింది.

హైకోర్టు ఆదేశాల మేరకు తెలంగాణ ప్రభుత్వం బాణసంచాపై నిషేధం విధించింది. ఈ మేరకు ప్రభుత్వ ప్రధాన కార్యదర్శి సోమేశ్​కుమార్ ఉత్తర్వులు జారీ చేశారు. టపాసులు విక్రయం, వినియోగించొద్దని ఉత్తర్వుల్లో పేర్కొన్నారు.

రాష్ట్రంలో ఎక్కడ కూడా దుకాణాల్లో, ఇతర చోట్ల బాణసంచా విక్రయించకుండా చూడాలని డీజీపీ, అగ్నిమాపక శాఖ డైరెక్టర్ జనరల్​తోపాటు అన్ని జిల్లాల కలెక్టర్లు, ఎస్పీలకు ఆదేశాలు జారీ చేశారు. పర్యావరణ కాలుష్యాన్ని దృష్టిలో ఉంచుకుని ప్రజలు బాణసంచా కాల్చొద్దని ప్రభుత్వం కోరింది. బాణసంచా విక్రయ, వినియోగం విషయంలో తీసుకున్న చర్యల వివరాలను ఈనెల 16న ప్రభుత్వానికి అందించాలని సోమేశ్​కుమార్ ఆదేశించారు.

ఇదీ చూడండి :