భూముల విక్రయ ఒప్పంద నిబంధనలను ఉల్లంఘించినందుకు గల్లా ఫుడ్స్ లిమిటెడ్ సంస్థకు ఇచ్చిన భూమిని వెనక్కి తీసుకునేలా ఏపీఐఐసీని ఆదేశించాలని కోరుతూ చిత్తూరు జిల్లా నల్లగట్లపల్లికి చెందిన జి.పురుషోత్తంనాయుడు హైకోర్టులో వ్యాజ్యం వేశారు. శుక్రవారం ఈ వ్యాజ్యంపై విచారణ జరిపిన హైకోర్టు న్యాయమూర్తి జస్టిస్ యూ. దుర్గాప్రసాదరావు ... వ్యాజ్యంలో ప్రతివాదులుగా ఉన్న పరిశ్రమల శాఖ ముఖ్యకార్యదర్శి, ఏపీఐఐసీ సీఎండీ, ఏపీఐఐసీ ప్రాంతీయ మేనేజరు, గల్లా ఫుడ్స్ లిమిటెడ్కు నోటీసులు జారీచేశారు.
కౌంటర్లు దాఖలు చేయాలని ఆదేశిస్తూ విచారణను ఈ నెల 14కు వాయిదా వేశారు. చిత్తూరు జిల్లా పూతలపట్టు మండలం పరిధిలోని తేనాపల్లి, పేట అగ్రహారం గ్రామాల పరిధిలో పరిశోధన, అభివృద్ధి కేంద్రం ఏర్పాటు కోసం సంబంధిత సంస్థ 2011 నవంబర్లో 28 ఎకరాల్ని ఏపీఐఐసీ నుంచి పొందిదని పిటిషనర్ పేర్కొన్నారు . ఇప్పటి వరకు ఏర్పాటు చేయలేదన్నారు.
ఇదీ చదవండి:
