చెరువులో మొసలి.. భయాందోళనలో గ్రామస్థులు

ఓ మొసలి చెరువులోకి చేరి స్థానికులను భయాందోళనకు గురి చేస్తోంది. తెలంగాణలోని నారాయణపేట జిల్లా యాంకి చెరువులోకి చేరిన మొసలి మత్స్యకారులు వదిలిన చేపలను తింటోందని.. అధికారులకు చెప్పినా పట్టించుకోవడం లేదని గ్రామస్థులు ఆరోపిస్తున్నారు.

తెలంగాణలోని నారాయణపేట జిల్లా నర్వ మండలం యాంకి గ్రామంలోని చెరువులో మొసలి కలకలం రేపుతోంది. నెల రోజుల నుంచి చెరువులో మొసలి కనిపిస్తోందని.. ఈ విషయాన్ని అటవీ శాఖ అధికారులకు చెప్పినా పట్టించుకోవడం లేదని గ్రామస్థులు చెబుతున్నారు. రిజర్వాయర్ నీటి ద్వారా మొసలి చెరువులోకి చేరి ఉంటుందని భావిస్తున్నారు.

ఇటీవల చేపల సంఘం సొసైటీ ఆధ్వర్యంలో చెరువులోకి చేపలను వదిలారని... మొసలి వాటిని తింటోందని మత్స్యకారులు ఆవేదన వ్యక్తం చేశారు. ఇప్పటికైనా అటవీశాఖ అధికారులు స్పందించి చెరువులోని మొసలిని నదిలోకి వదలాలని కోరుతున్నారు.

ఇదీ చదవండి: