కొవిడ్ వ్యాక్సిన్ తెస్తున్న భారత్ బయోటెక్ కృషి అభినందనీయని ఎంఐఎం తెలంగాణ రాష్ట్ర శాసనసభపక్షనేత అక్బరుద్దీన్ ఒవైసీ అన్నారు. తెలంగాణ ఖ్యాతిని భారత్ బయోటెక్ ఇనుమడింపజేసిందని కరోనాపై ఆ రాష్ట్ర అసెంబ్లీలో జరిగిన సమావేశాల్లో కొనియాడారు.
ఇప్పుడు వ్యాక్సిన్ రెండో దశ ప్రయోగంలో ఉందని పేర్కొన్నారు. భారత్ బయోటెక్‌తో సీఎం కేసీఆర్ సమావేశం ఏర్పాటు చేయాలని సూచించారు. కేంద్రంతో సంబంధం లేకుండా తెలంగాణలో వ్యాక్సిన్ ఇచ్చేలా చూడాలని కోరారు.
భారత్ బయోటెక్ సంస్థతో మాట్లాడుతున్నామని టీసీఎం కేసీఆర్ తెలిపారు. సొంత రాష్ట్రం కనుక వ్యాక్సిన్ పంపిణీలో ప్రాధాన్యత ఉంటుందని పేర్కొన్నారు.
ఇవీ చదవండి: పర్యావరణ అనుమతులు తీసుకోకుండా ప్రాజెక్టులపై ముందుకెళ్లొద్దు: ఎన్జీటీ
