కరోనా వాక్సినేషన్కు నమోదిత వైద్య సిబ్బందిలో తెలంగాణలో 40.3 శాతం, ఆంధ్రప్రదేశ్లో 38.1 శాతం మందికి ఇప్పటివరకూ టీకా వేసినట్లు కేంద్ర వైద్య ఆరోగ్యశాఖ వెల్లడించింది. నిర్దేశించిన లక్ష్యంలో అత్యధిక మొత్తాన్ని పూర్తిచేసిన రాష్ట్రాల జాబితాలో తెలంగాణ 8, ఆంధ్రప్రదేశ్ 9 స్థానాల్లో ఉన్నట్లు తెలిపింది. వాక్సినేషన్ మొదలైన తొలి రోజు (ఈ నెల 16)న దేశ వ్యాప్తంగా 2,06,985 మందికి టీకా అందించగా..25న ఒక్కరోజే 4,08,305 మందికి టీకా వేసినట్లు పేర్కొంది. గురువారం రాత్రి 7 గంటల వరకూ దేశంలో 28,47,608 మంది వైద్య ఆరోగ్యశాఖ సిబ్బందికి టీకా అందిచినట్లు తెలిపింది.
టీకాలు వేసిన సంఖ్య పరంగా భారత్ 5వ స్థానంలో ఉన్నట్లు వెల్లడించింది. కెేవలం ఆరు రోజుల్లోనే పది లక్షల మందికి టీకా అందించి.. ప్రపంచంలోనే మొదటి స్థానంలో నిలిచినట్లు పేర్కొంది. 10 లక్షల మందికి టీకా వేయడానికి అమెరికాకు 10 రోజులు, స్పెయిన్కు 12, ఇజ్రాయెల్కు 14, యూకేకు 18, ఇటలీకి 19, జర్శనీకి 20 రోజులు పట్టినట్లు పేర్కొంది. దేశంలో ప్రస్తుతం 67 శాతం కరోనా యాక్టీవ్ కేసులు కేరళ, మహారాష్ట్రలకే పరిమితమయ్యాయని.. మిగతా దేశం మొత్తం కలిసి 37 శాతం కేసులు ఉన్నాయని కేంద్రం వెల్లడించింది. గత వారంలో పాజిటివిటీ రోటు 1.81 శాతానికి, మరణాల రేటు 1.07 శాతానికి తగ్గినట్లు తెలిపింది.
ఇదీ చదవండి: కరోనా టీకా ప్రభావం ఎంతకాలం?
