CM Jagan,Chandrababu, Lokesh Tributes to Babu Jagjivan Ram: నేడు ప్రముఖ స్వాతంత్ర సమరయోధుడు, మాజీ ఉప ప్రధాని డా.బాబు జగ్జీవన్ రామ్ జయంతిని పురస్కరించుకుని ముఖ్యమంత్రి జగన్, తెదేపా అధ్యక్షుడు చంద్రబాబు, తెదేపా జాతీయ ప్రధాన కార్యదర్శి నారా లోకేశ్ ట్విట్టర్ వేదికగా నివాళులర్పించారు.
జనం కోసమే జగ్జీవన్.. తన జీవితాన్ని అంకితం చేశారని సీఎం జగన్ గుర్తుచేశారు. సుదీర్ఘకాలం పార్లమెంటేరియన్‌గా ఆయన సేవలు చిరస్మరణీయమని ముఖ్యమంత్రి ట్విట్టర్లో కొనియాడారు.
దళిత ప్రజల భవిష్యత్కు భరోసా, వారికి సరైన గౌరవం ఇవ్వడమే బాబు జగ్జీవన్ రామ్కి మనమందించే అసలైన నివాళి అని తెదేపా అధినేత చంద్రబాబు స్పష్టం చేశారు. బడుగువర్గాల అభ్యున్నతి కోసం కృషి చేయాలని కోరారు. సామాజిక న్యాయంపై జగ్జీవన్ రామ్ చేసిన పోరాటం దళిత జాతిని జాగృతం చేసిందని చంద్రబాబు గుర్తు చేసుకుంటూ ట్విట్టర్లో పోస్ట్ చేశారు.
దేశ స్వాతంత్య్రం కోసం పోరాటం చేస్తూనే... సామాజిక సమానత్వం కోసం కృషి చేసిన మహనీయుడు బాబు జగ్జీవన్ రామ్ అని లోకేశ్ కొనియాడారు. దళితుల హక్కుల అమలులో కీలక పాత్ర పోషించడంతో పాటు.. వారిని విద్యావంతులుగా, ఆత్మాభిమానం కలిగిన వారిగా ఉండాలని జీవితాంతం పరితపించారన్నారు. నిర్వహించిన ప్రతి పదవితో వ్యవస్థలో విప్లవాత్మక మార్పులు తెచ్చిన మార్గదర్శి అని లోకేశ్ ట్వీట్ చేశారు.
ఇదీ చదవండి : New Districts in AP : వికేంద్రీకరణ రాజధానికేనా.. జిల్లాలకు వర్తించదా?
