'మహా' అధికారంలోకి భాజపా... విజయవాడలో శ్రేణుల సంబరాలు

మహారాష్ట్రలో ఫడణవీస్ మరోసారి ముఖ్యమంత్రిగా ప్రమాణ స్వీకారం చేశారు. ఈ సందర్భంగా విజయవాడలో భాజపా నేతలు సంబరాలు చేసుకున్నారు. ఆ పార్టీ శ్రేణులు బాణాసంచా కాల్చి, మిఠాయిలు పంచుకున్నారు.

మహారాష్ట్రలో నెలరోజుల ఉత్కంఠకు తెరపడింది. సుస్థిర ప్రభుత్వం ఏర్పడిందని భారతీయ జనతా పార్టీ నేతలు అభిప్రాయపడ్డారు. ఫడణవీస్ మరోసారి ముఖ్యమంత్రిగా ప్రమాణ స్వీకారం చేసిన సందర్భంగా... విజయవాడలో భాజపా నేతలు సంబరాలు చేసుకున్నారు. భాజపా కార్యాలయం ముందు బాణాసంచా కాల్చి, మిఠాయిలు పంచుకున్నారు. అధికారమే పరమావధిగా శివసేన భావించిందని... చివరికి ప్రజాతీర్పే నిజమైందని నినాదాలు చేశారు. ఫడణవీస్ ఆధ్వర్యంలో గత ఐదేళ్లలో జరిగిన అభివృద్ధి కొనసాగుతుందని... అజిత్ పవార్ సహకారంతో మంచి పాలన అందిస్తారని భాజపా నేతలు ఆకాంక్షించారు.