ఏపీ హైగ్రేడ్ స్టీల్స్​ కార్పొరేషన్​కు రూ.50 కోట్లు విడుదల

ఏపీ హైగ్రేడ్ స్టీల్స్ కార్పొరేషన్ ఏర్పాటుకు ప్రభుత్వం రూ.50 కోట్ల నిధులు విడుదల చేసింది. త్వరలోనే ఈ ప్రాజెక్టు ప్రారంభించనున్న దృష్ట్యా నిధులు విడుదల చేసినట్లు పరిశ్రమల శాఖ తెలిపింది. విశాఖ మెడ్​టెక్​ జోన్ ఛైర్ పర్సన్​గా పరిశ్రమలశాఖ కార్యదర్శి కరికాల వలెవన్​ను నియమిస్తూ ప్రభుత్వం ఆదేశాలు జారీ చేసింది.

ఏపీ హైగ్రేడ్ స్టీల్స్ కార్పొరేషన్​కు రూ.50 కోట్లు విడుదల చేస్తూ ప్రభుత్వం ఉత్తర్వులు ఇచ్చింది. ఈ ప్రాజెక్టును త్వరలో ప్రారంభించనున్న దృష్ట్యా సంస్థ వ్యూహాలు, మార్కెట్ రీసెర్చి, కన్సల్టెంట్లు, ఇంజినీరింగ్ అంశాలను దృష్టిలో ఉంచుకుని ఈ నిధులు విడుదల చేసినట్టు పరిశ్రమల శాఖ ఉత్తర్వులు ఇచ్చింది. కడపలో హైగ్రేడ్ స్టీల్స్ కార్పొరేషన్ ఫ్యాక్టరీ ఏర్పాటు కోసం వివిధ సంస్థల ప్రతిపాదనల్ని పరిశీలిస్తోంది.