తెలంగాణ​ స్పీకర్‌ పోచారం మనవరాలి వివాహం.. హాజరైన జగన్, కేసీఆర్

తెలంగాణ శాసనసభాపతి పోచారం శ్రీనివాసరెడ్డి మనవరాలి వివాహానికి తెలుగు రాష్ట్రాల ముఖ్యమంత్రులు హాజరయ్యారు. తెలంగాణ సీఎం కేసీఆర్‌, ఏపీ సీఎం జగన్‌ హాజరై వధూవరులను ఆశీర్వదించారు.

తెలంగాణ శాసనసభ స్పీకర్​ పోచారం శ్రీనివాసరెడ్డి మనవరాలి వివాహ వేడుకకు ఏపీ, తెలంగాణ ముఖ్యమంత్రులు జగన్​, కేసీఆర్​ హాజరయ్యారు. శంషాబాద్​లో జరిగిన వివాహానికి హాజరై వధూవరులను ఆశీర్వదించారు. ఈ సందర్భంగా పక్కపక్కనే కూర్చొన్న కేసీఆర్, జగన్​ కాసేపు ముచ్చటించుకున్నారు.

గతంలో దిల్లీలో జరిగిన అపెక్స్​ కౌన్సిల్​ సమావేశం అనంతరం తెలుగు రాష్ట్రాల సీఎంలు కలుసుకోవడం ఇదే తొలిసారి. జలవివాదాలు మరోసారి తెరపైకి వచ్చిన తర్వాత రెండు రాష్ట్రాల మంత్రుల మధ్య మాటల యుద్ధం కొనసాగుతోంది. అనంతరం ఇరువురు సీఎంలు ఒకే వేదిక పంచుకోవడం విశేషం. ఈ వేడుకలో ఏపీ, తెలంగాణకు చెందిన పలువురు రాజకీయ ప్రముఖులు పాల్గొన్నారు. రెండు రాష్ట్రాలకు చెందిన మంత్రులు, ప్రజాప్రతినిధులు పలకరించుకున్నారు.

ఇదీచూడండి: CM KCR Delhi Tour: నేడు హస్తినకు సీఎం కేసీఆర్​.. అన్ని విషయాలు తేల్చుకునేందుకే..