సూక్ష్మరూపంలో RRR సినిమా పేరు.. ఎవరికోసమో తెలుసా?

fan gift to his favorite director: తమ అభిమాన హీరోల కోసం పచ్చబొట్టు వేయించుకుంటారు కొందరు... తమకు ఇష్టమైన వస్తువులను బహుమతులుగా ఇస్తారు ఇంకొందరు... ఇంకాస్త ముందుకెళ్లి తమ అభిమానాన్ని చాటుకునేందుకు గుండెలపై హీరోల బొమ్మలనూ అచ్చేయించుకుంటారు మరికొందరు... అయితే అందుకు భిన్నంగా ఆలోచించాడు ఓ యువకుడు... తన అభిమాన దర్శకుడికి బహుమతి ఇవ్వాలని ఆలోచించి... ఏకంగా ఆయన రూపొందించిన సినిమాను పేరు, అందులో నటించిన హీరోల రూపాలను సూక్ష్మరూపంలో తయారు చేశాడు... ఇంతకీ ఎలాగంటే..?

fan gift to his favorite director: తన అభిమాన దర్శకుడికి మంచి బహుమతి ఇవ్వాలనే ఉద్దేశంతో... సూక్ష్మరూపంలో ఆయన నిర్మించిన సినిమా టైటిల్‌ను తయారు చేశాడు అనంతపురానికి చెందిన ప్రవీణ్‌ అనే వ్యక్తి. హైదరాబాద్‌లోని ఓ ప్రైవేటు సంస్థలో త్రిడీ యానిమేటర్‌గా పనిచేస్తున్న ఈ యువకుడికి డైరెక్టర్‌ రాజమౌళి అంటే ఇష్టం. ఆ అభిమానంతో... 'ఆర్​ఆర్​ఆర్'​ సినిమా టైటిల్‌, రామ్‌ చరణ్‌, ఎన్టీఆర్‌ల రూపాల్ని మైక్రో ఆర్ట్‌లో రూపొందించాడు. ఓ వైపు ఉద్యోగం చేసుకుంటునే... నాలుగు నెలలు రాత్రి సమయంలో ఎంతో శ్రమించి దీన్ని తయారు చేశానని అంటున్నాడు.

"మీ అందరికీ తెలుసు... 25న ఆర్​ఆర్​ఆర్​ మూవీ విడుదలవుతుందని. నాకు రాజమౌళి సర్​ అంటే చాలా ఇష్టం. ఆయన రూపొందించిన ప్రతి మూవీకి నేను ఏదో ఒక మైక్రో ఆర్ట్​ చేస్తూ వచ్చాను. చిన్నప్పటి నుంచి నేను మైక్రో ఆర్ట్​ చేస్తూ వచ్చాను.ఒక స్టేజ్​ రాగానే రాజమౌళి సర్​ సినిమాకు వర్క్​ చేయాలని నా లైఫ్​ ఆంబిషన్​. అందుకోసం నేను RRRను మైక్రో ఆర్ట్​ రూపంలో ప్రజెంట్​ చేశాను. దీని వల్ల నా గోల్​ రీచ్​ అయినట్లు ఉంటుంది. ఆయన మూవీకి వర్క్​ చేసినట్లవుతుందని నేను హ్యాపీగా ఫీలవుతున్నా. " -ప్రవీణ్, మైక్రో ఆర్టిస్ట్

ఇదీ చదవండి: తపించారు.. శ్రమించారు.. చివరకు సాధించారు!!