దేశంలోని వివిధ వర్గాలను అల్పసంఖ్యాక వర్గాలుగా పరిగణించేందుకు ప్రస్తుత్తం ఉన్న మార్గదర్శకాలను పున:సమీక్షించాలని భాజపా నేత, న్యాయవాది అశ్విని ఉపాధ్యాయ్ సుప్రీంలో పిటిషన్ దాఖలు చేశారు. ఈ విషయంపై నివేదికను రూపొందించారు. ఉపాధ్యాయ్ నివేదిక పై మూడు నెలల్లోగా నిర్ణయం తీసుకోవాలని సుప్రీంకోర్టు ఎన్సీఎంను ఆదేశించింది.
మైనారిటీలను దేశ జనాభా ఆధారంగా కాక రాష్ట్రాల వారీ జనాభాను పరిగణలోకి తీసుకుని నిర్వచించాలని ఉపాధ్యాయ్ తన నివేదికలో పొందుపరిచారు.
జాతీయ జనాభా గణాంకాల ప్రకారం హిందువులు ఎక్కువగా ఉన్నారు. కొన్ని ఉత్తరాది రాష్ట్రాల్లో ఇతర వర్గాలతో పోల్చితే చాలా తక్కువగా ఉన్నారని తెలిపారు. ఈ కారణంగా హిందువులు కొన్ని రాష్ట్రాల్లో అల్పసంఖ్యాక వర్గాల వారికి లభించే ప్రయోజనాలను పొందలేక పోతున్నారని పిటిషన్లో పేర్కొన్నారు ఉపాధ్యాయ్.
