ఏపీపీఎస్సీ కార్యాలయం ఎదుట నిరుద్యోగుల ధర్నా

గ్రూప్ 2, 3 పరీక్షలను వాయిదా వేయాలంటూ ఏపీపీఎస్సీ కార్యాలయం ఎదుట నిరుద్యోగులు ఆందోళన చేపట్టారు. అవే తేదీలలో తెలంగాణలో పోటీ పరీక్షలు ఉన్నాయని.. వాటికి ఏపీకి చెందిన విద్యార్థులు దరఖాస్తు చేసుకున్న నేపథ్యంలో గ్రూప్​ 2, 3 వాయిదా వేయాలని అభ్యర్థులు కోరారు.

ఏపీపీఎస్సీ నిర్వహిస్తున్న గ్రూప్ 2, 3 పరీక్షలు వాయిదా వేయాలని డిమాండ్ చేస్తూ... నిరుద్యోగ సంఘాల జేఎసీ ఆధ్వర్యంలో విజయవాడ ఏపీపీఎస్సీ కార్యాలయం ఎదుట నిరుద్యోగులు ఆందోళ చేశారు. గ్రూప్ 2 , 3 పరీక్షల అభ్యర్థుల్లో... తెలంగాణలో పోటీ పరీక్షలకు దరఖాస్తు చేసుకున్న వారు ఉన్నారని అన్నారు. ఒకే సమయంలో రెండు చోట్ల పరీక్షలు నిర్వహించడం వల్ల నష్టపోతున్నామని ఆవేదన వ్యక్తం చేశారు. గ్రూప్ 2, 3 పరీక్షలు వాయిదా వేయాలని డిమాండ్ చేశారు. ధర్నాకు అనుమతి లేదంటూ పోలీసులు జెఎసి నాయకులను అరెస్ట్ చేసి స్టేషన్​కు తరలించారు.