ఎండలు మండే సీజన్లో ఎలక్షన్ ముందుకొచ్చింది. ప్రచారం ఊపందుకోవడంతో అభ్యర్ఖులంతా రోడ్లపైనే ఉన్నారు. మండుతున్న ఎండలకు అల్లాడుతున్నారు. ఇప్పటికే కొందరు డీలా పడిపోయారు. ఇంకొందరు ఆస్పత్రుల పాలయ్యారు. కానీ ఆయన ఏ మాత్రం ఎండలను లెక్కచేయక.. పంచ్లు పేలుస్తూ..సూర్యుడితో సై అంటున్నారు... ఆయనే తెదేపా అధినేత.. రాష్ట్ర ముఖ్యమంత్రి చంద్రబాబు.
మండేచంద్రుడు
చంద్రబాబు ఎలా శ్రమిస్తారో అందరికీ తెలుసు. తెల్లారిన దగ్గర నుంచి ఒక్కోసారి అర్థరాత్రి వరకూ పనిచేస్తూనే ఉంటారు. ఇక ఎన్నికలొచ్చాయంటే.. అటు ముఖ్యమంత్రిగా అధికారిక విధులతో పాటు.. ఇటు పార్టీ అధినేతగానూ..తీరికలేని పని. ఎన్నికల కదనంతో కదం తొక్కుతున్నా ఆయన వదనంలో ఎక్కడా చిరునవ్వు చెదరడం లేదు. ఉదయం లేవగానే అటు ముఖ్యమంత్రిగా రాష్ట్రంలో ఏం జరుగుతుందో తెలుసుకుంటారు. ఆ వెంటనే పార్టీ సమాచారం. ఆ తర్వాత.. లక్షలాదిమంది పార్టీ కార్యకర్తలకు దిశానిర్దేశం టెలీ కాన్ఫరెన్స్. ఆ వెంటనే బయలు దేరి రాష్ట్రంలోని ఏదో ఒక ప్రాంతంలో తేలుతారు. రెండు- ముూడు జిల్లాలను చుట్టేస్తారు. మండే ఎండల్లో రోడ్ షోలు.. సభలు పెడతారు. రాత్రి పదైనా అంతే ఉత్సాహంగా ఉంటారు.
అలుపన్నది ఉందా..?
చంద్రబాబునాయుడు..ఇప్పుడున్న అభ్యర్థులందరికంటే వయసులో పెద్ద. కానీ అందరికన్నా ఎనర్జిటిక్గా కనిపిస్తున్నారు. తనకన్నా 20ఏళ్లు చిన్నవాళ్లైన జగన్, పవన్తో పోటీపడి మరీ ప్రచారం చేస్తున్నారు. ఎండల ధాటికి పవన్ కళ్యాణ్ వడదెబ్బకు గురయ్యారు. ప్రచారానికి తాత్కాలిక విరామం ఇచ్చారు. జగన్ కూడా చంద్రబాబుకు దీటుగానే తిరుగుతున్నారు. అయితే ఈ వయసులో కూడా చంద్రబాబు జగన్ కంటే మరింత ఉత్సాహంగా సభల్లో పాల్గొంటున్నారు. ఆయన్న మాటల్లో పిసరంతైనా వాడి తగ్గడం లేదు. నిప్పులు కురిసే ఎండల్లో తిరగలేక అందరికి అలుపొస్తుంటే చంద్రబాబుకు మాత్రం ఉత్సాహం వస్తోంది. ఇప్పటికే రెండు ప్రధాన పార్టీలకు చెందిన కొంతమంది అభ్యర్థులు ఎండలను తట్టుకోలేక ఆసుపత్రులకు కూడా చేరారు. తొలిరోజు నుంచి ఇప్పటి వరకు బాబులో అలుపూ లేదు..సొలుపూలేదు. తనకసలు ఎదురూ లేదు అన్నట్లుగా దూసకెళ్తున్నారు.
ఇవీ చూడండి : హామీ ఇస్తున్నాం... మళ్లీ వస్తాం!: చంద్రబాబు
