అధికారికంగా రామోజీరావు సంస్మరణ కార్యక్రమం- సీఎం చంద్రబాబు ఆదేశాలు

AP Govt Organize Ramoji Rao Memorial Programme: రామోజీ గ్రూప్ సంస్థల ఛైర్మన్ రామోజీరావు సంస్మరణ కార్యక్రమాన్ని అధికారికంగా నిర్వహించాలని రాష్ట్ర ప్రభుత్వం నిర్ణయం తీసుకుంది. పెనమలూరులో ఈనెల 27వ తేదీన ఈ కార్యక్రమం నిర్వహణకు సీఎం చంద్రబాబు ఆదేశించారు. ఈ మేరకు మంత్రి కొలుసు పార్థసారథి ప్రకటించారు. ఈనాడు గ్రూపు సంస్థల అధినేత రామోజీరావు ఈనెల 8న కన్ను మూశారు. ఈనెల 5న అనారోగ్య సమస్యలతో ఆసుపత్రిలో చేరిన ఆయన శనివారం తెల్లవారు జామున 4.50 గంటలకు తుదిశ్వాస విడిచారు.