జింబాబ్వే పర్యటనలో మార్పులు - ఐపీఎల్లో అదరగొట్టిన ప్లేయర్స్​కు ఛాన్స్​

India VS Zimbabwe T20 Team Squad : జులై 6 నుంచి జులై 14 వరకు జింబాబ్వేతో జరగనున్న 5 మ్యాచ్​ల టీ20 సిరీస్​కు టీమ్​ఇండియా జట్టులో స్వల్ప మార్పులు చేసింది బీసీసీఐ. తొలి రెండు మ్యాచ్​లకు సంజూ శాంసన్, శివం దూబే, యశస్వి జైస్వాల్ స్థానంలో సాయి సుదర్శన్, జితేష్ శర్మ, హర్షిత్ రాణాలకు చోటు కల్పించింది. ఎందుకంటే హరికేన్‌ తుపాను కారణంగా వరల్డ్​కప్​ 2024 టీమ్​ఇండియా ప్లేయర్స్ ఇంకా వెస్టిండీస్​లోనే ఉంది. దీంతో శాంసన్‌, దూబే, జైశ్వాల్ అక్కడే ఉండిపోయారు. అందుకే ఐపీఎల్‌లో అదరగొట్టిన ఈ ముగ్గురిని సెలెక్టర్లు ఎంపిక చేశారు. కాగా, ఈ సిరీస్‌కు వీవీఎస్ లక్ష్మణ్ ప్రధాన కోచ్‌గా వ్యవహరించనున్నాడు.