PM Modi Inaugurated Vande Bharat Trains: ప్రధాని నరేంద్ర మోదీ దుర్గ్-విశాఖపట్నం వందేభారత్ ట్రైన్ను వర్చువల్‌గా ప్రారంభించారు. అంతే కాకుండా పలు వందే భారత్ రైళ్లకు మోదీ వర్చువల్‌గా జెండా ఊపి ప్రారంభించారు. ఇప్పటికే విశాఖ- సికింద్రాబాద్, భువనేశ్వర్- విశాఖ, సికింద్రాబాద్- విశాఖ మధ్య వందేభారత్ రైళ్లు నడుస్తున్నాయి. ఇది విశాఖ నుంచి ప్రయాణించే నాలుగవ ట్రైన్ అవుతోంది.
Visakha Vande Bharat Train Timings: దుర్గ్-విశాఖపట్నం వందే భారత్ దుర్గ్ నుంచి వారానికి 6 రోజులు (గురువారాలు మినహా) 05.45 గంటలకు బయలుదేరుతుంది. అదే రోజు 13.45 గంటలకు విశాఖపట్నం చేరుకుంటుంది. తిరుగు ప్రయాణంలో విశాఖ-దుర్గ్ (20830) వందే భారత్ విశాఖ నుంచి వారానికి 6 రోజులు (గురువారాలు మినహా) 14.50 గంటలకు బయలుదేరుతుంది. అదే రోజు రాత్రి 22.50 గంటలకు దుర్గ్ చేరుకుంటుంది. ఈ నెల 20 నుంచి ఈ రైలు రెగ్యులర్‌గా తిరగనుంది.
విశాఖలో ప్రారంభమైన ట్రైన్: విశాఖ నుంచి రాయపూర్కి వెళ్లే వందే భారత్ రైల్ను కేంద్ర మంత్రి రామ్మోహన్ నాయుడు జెండా ఊపి ప్రారంభించారు. ఈ నెల 20 నుంచి రెగ్యులర్ సర్వీస్ తిరుగుతుందని అన్నారు. ఈ సర్వీస్ను పార్వతీపురంలో నిలిపేందుకు కృషి చేశామని తెలిపారు. రైల్వే ద్వారా దేశంలో అభివృద్ధి కార్యక్రమాలు శరవేగంగా జరుగుతున్నాయని కేంద్ర మంత్రి అన్నారు.
ఇప్పటికే విశాఖకు 3 వందే భారత్ రైళ్లను ప్రవేశపెట్టామని వివరించారు. విశాఖ నుంచి సికింద్రాబాద్ వెళ్లే వందే భారత్ దేశంలోనే పూర్తి కెపాసిటీతో నడుస్తున్న రైల్గా నిలిచిందని అన్నారు. 14 లక్షల ఉద్యోగులు ఉన్న రైల్వేను అప్ గ్రేడ్ చేస్తున్నామని హామీ ఇచ్చారు. ప్రధాని మోదీ నాయకత్వంలో త్వరలో విశాఖ రైల్వే జోన్కి భూమి పూజ చేస్తామని రామ్మోహన్ నాయుడు స్పష్టం చేశారు.
ఈ నెల 20 నుంచి రెగ్యులర్‌గా వందే భారత్ సర్వీస్ తిరుగుతుంది. ఈ సర్వీస్ను పార్వతీపురంలో నిలిపేందుకు ఎంతో కృషి చేశాము. రైల్వే ద్వారా దేశంలో అభివృద్ధి శరవేగంగా జరుగుతుంది. ఇప్పటికే విశాఖకు 3 వందే భారత్ రైళ్లను ప్రవేశపెట్టడం జరిగింది. 14 లక్షల ఉద్యోగులు ఉన్న రైల్వేను అప్గ్రేడ్ చేస్తున్నాము. త్వరలోనే విశాఖ రైల్వే జోన్‌కు భూమి పూజ చేస్తాము. విశాఖ నుంచి సికింద్రాబాద్ వెళ్లే వందే భారత్ దేశంలోనే పూర్తి కెపాసిటీతో నడుస్తున్న రైల్గా నిలించింది.- రామ్మోహన్ నాయుడు, కేంద్ర మంత్రి
