Lion Attack Man Dead in Tirupati Zoo Park: తిరుపతి ఎస్వీ జూపార్క్లో విషాదం చోటు చేసుకుంది. రాజస్థాన్కు చెందిన సందర్శకుడు సింహం బారిన పడి ప్రాణాలు కోల్పోయాడు. మధ్యాహ్నం 2.30 గంటల సమయంలో రాజస్థాన్కు చెందిన ప్రహ్లద్‍ గుర్జర్ అనే వ్యక్తి లయన్‍ ఎన్ క్లోజర్ వద్దకు చేరుకున్నాడు. ఎన్ క్లోజర్ వద్ద ఉన్న సిబ్బంది వారిస్తున్నా గోడ పైన ఏర్పాటు చేసిన కంచెను దాటి లయన్‍ ఎన్ క్లోజర్ లోకి దూకాడు. సిబ్బంది ఉన్నతాధికారులకు సమాచారం అందించి ఎన్క్లోజర్లోకి దూకిన గుర్జర్ను కాపాడేందుకు ప్రయత్నించారు.
ఎన్క్లోజర్లో ఉన్న మగ సింహం దాడి చేయడంతో సంఘటనా స్ధలంలో ప్రాణాలు కోల్పోయాడు. మృతుడి దగ్గర లభించిన ఆధారాల మేరకు అతని కుటుంబసభ్యులకు సమాచారం అందించారు. కేసు నమోదు చేసిన పోలీసులు పోస్ట్ మార్టం నిమిత్తం మృతదేహన్ని ఆస్పత్రికి తరలించారు.
