విద్యుత్‌ బిల్లుల చెల్లింపునకు ఈపీడీసీఎల్​ యాప్​ - డౌన్​లోడ్​ చేసుకోండిలా! - New APP to Paying Electricity Bills

APEPDCL Mobile APP to Paying Electricity Bills: ఆర్​బీఐ నిబంధనలతో యూపీఐ యాప్​లతో విద్యుత్ బిల్లుల చెల్లించే ప్రక్రియ నిలిచిపోయింది. ఈ క్రమంలో వినియోగదారులు బిల్లులు చెల్లించేందుకు ఏపీ ఈస్ట్రన్ పవర్ డిస్ట్రిబ్యూషన్ కంపెనీ లిమిటెడ్ (ఏపీఈపీడీసీఎల్) సరికొత్త ఫీచర్లతో మొబైల్ యాప్​ను అందుబాటులోకి తెచ్చింది. ఇకపై వినియోగదారులు ఈ యాప్ ద్వారానే కరెంట్ బిల్లులు చెల్లించాలని తెలిపింది.

APEPDCL Mobile APP to Paying Electricity Bills: విద్యుత్ వినియోగదారుల కోసం ఏపీ ఈస్ట్రన్ పవర్ డిస్ట్రిబ్యూషన్ కంపెనీ లిమిటెడ్ (ఏపీఈపీడీసీఎల్) సరికొత్త ఫీచర్లతో మొబైల్ యాప్​ను అందుబాటులోకి తీసుకుని వచ్చింది. ఫోన్‌పే, గూగుల్‌పే, పేటీఎం తదితర యూపీఐ యాప్‌ల ద్వారా బిల్లులు చెల్లింపులను ఇప్పటికే నిలిపివేసిన సంగతి తెలిసిందే. అయితే పాత విధానంలో బిల్లుల చెల్లింపు కంటే ప్రస్తుతం తీసుకుని వచ్చిన మొబైల్ యాప్​ ద్వారానే సులభంగా విద్యుత్ బిల్లులు చెల్లించవచ్చని తెలిపింది.

దీంతోపాటు ఈ యాప్ వినియోగం ద్వారా చాలా లాభాలు ఉన్నాయన్న ఏపీఈపీడీసీఎల్ ఇకపై ఈ యాప్ ద్వారానే బిల్లులు చెల్లించాలని స్పష్టం చేసింది. అయితే ఈ మొబైల్ యాప్ ఎలా డౌన్లోడ్ చేసుకోవాలి? విద్యుత్ బిల్లులు ఎలా చెల్లించాలి? సరికొత్త యాప్ వల్ల లాభాలేంటి? వంటి వివరాలు మీకోసం.

యాప్ డౌన్​లోడ్​ చేసుకోవడం ఎలా?: గూగుల్ ప్లేస్టోర్ నుంచి ఈస్ట్రన్ పవర్ మొబైల్ యాప్​ను డౌన్​లోడ్ చేసుకోవాలి. అనంతరం 16 అంకెల విద్యుత్ మీటర్ సర్వీసు నంబర్​ను రిజిస్ట్రేషన్ చేసుకోవాలి. తద్వారా మొబైల్ యాప్ సేవలు పొందవచ్చు.

ఈస్ట్రన్ పవర్ మొబైల్ యాప్ ఉపయోగాలు:

• ఈ సరికొత్త యాప్​లో బిల్​ పే ద్వారా అత్యంత సులభంగా విద్యుత్ బిల్లులు చెల్లించవచ్చు.
• నిర్ణీత గడువులోగా బిల్లులు చెల్లించపోతే పెనాల్టీ ఉండదు.
• సర్వీసుకు సంబంధించిన విద్యుత్ వినియోగం, బిల్లు, చెల్లింపు, విద్యుత్ సరఫరా పరిస్థితి వంటి వివరాలను ఈ యాప్ ద్వారా సులభంగా తెలుసుకోవచ్చు.
• విద్యుత్ మీటర్ సర్వీసుకు ఆధార్ నంబర్​ను ఈ యాప్​ ద్వారా లింక్ చేసుకోవచ్చు.
• ఇకపై విద్యుత్తు సంబంధిత సమస్యలను ఈ సరికొత్త యాప్​ ద్వారా ఫిర్యాదు చేసుకునే అవకాశం ఉంటుంది.
• ఆండ్రాయిడ్‌ ఫోన్‌ వినియోగించే వాళ్ల ఈ కింద లింక్‌ను క్లిక్‌ చేసి కూడా APEPDCL యాప్‌ను డౌన్‌లోడ్‌ చేసుకోవచ్చు.
• ఈ లింక్‌ను క్లిక్‌ చేయండి : APEPDCL
• https://play.google.com/store/apps/details?id=com.apepdcl.easternpower

బిల్లును మనమే లెక్కించుకోవచ్చు: ఈ యాప్​లో మై యూసేజ్ అనే పద్ధతి ద్వారా విద్యుత్ మీటర్​లో ఉన్న రీడింగ్ ప్రకారం కేవలం ప్రస్తుతం మనం వినియోగించిన యూనిట్ల సంఖ్యను ఎంటర్ చేస్తే బిల్లు ఎంత వచ్చిందో తెలిసిపోతుంది.

పాత విధానంలో బిల్లుల చెల్లింపులు పూర్తిగా నిలిచిపోయినట్లేనా?: పేటీఎం, ఫోన్‌పే, జీపేతో సహా ఇతర యాప్‌లతో బిల్లులు నేరుగా చెల్లించే విషయంపై ఆర్బీఐ అభ్యంతరం వ్యక్తం చేసింది. అయితే పాత విధానంలోనే నేరుగా ఆ యాప్‌లతోనే చెల్లింపు చేసేందుకు వీలుగా బ్యాంకులతో సంప్రదింపులు జరుపుతున్నట్లు సీఎండీ పృథ్వీతేజ్‌ తెలిపారు.