Chittoor Road Construction Works : త్వరలోనే చిత్తూరు జిల్లా కేంద్రం చుట్టూ మణిహారాల్లాంటి మార్గాలు అందుబాటులోకి రానున్నాయి. 4, 6, 8 వరసలుగా చేపట్టిన వీటి పనులు వేగంగా జరుగుతున్నాయి. వీటితో జిల్లా కేంద్ర ముఖచిత్రమే మారిపోయేలా ఉంది. బెంగళూరు-చెన్నై రహదారి చిత్తూరు కేంద్రంగా గతంలోనే నిర్మాణం చేపట్టారు. అది పూర్తిస్థాయిలో వినియోగంలోకి రావాల్సి ఉంది.
కర్ణాటక, ఆంధ్రప్రదేశ్ ప్రాంతాల నుంచి సరకును నేరుగా పోర్టుకు తీసుకెళ్లేందుకు చిత్తూరు శివారు నుంచి చిత్తూరు-తచ్చూరు మధ్య ఆరు వరుసల రహదారిని నిర్మిస్తున్నారు. ఇదీ కొద్ది నెలల్లో వినియోగంలోకి రానుంది. ఈ మార్గంలోనే కర్ణాటక, తమిళనాడు, ఏపీలను అనుసంధానం చేస్తూ నిర్మిస్తున్న మరో రోడ్డు చిత్తూరు జిల్లాలో 80 కిలోమీటర్ల మేర నిర్మాణం జరుగుతోంది. దీనికి చిత్తూరు శివారు చీలాపల్లి, బైరెడ్డిపల్లె వద్ద మాత్రమే ప్రవేశ, నిష్క్రమణ మార్గాలు ఇచ్చారు.
శ్రీవారి భక్తుల కోసం ఆరువరుసల జాతీయ రహదారి
రాజధాని అమరావతి కలుపుకొంటూ జాతీయ రహదారి-16 నిర్మాణం - National Highway Near By Amaravati
