చిలకలూరిపేట సభకు ప్రధాని మోదీ ! - భారీగా ఏర్పాట్లు చేస్తున్న టీడీపీ, జనసేన, బీజేపీ

Prime Minister Narendra Modi to Attend TDP JanaSena Meeting : ఏపీలో మూడు పార్టీల మద్య పొత్తు పొడిచిన వేళ రాష్ట్రంలో ఎన్నికల వేడి రాజుకుంటోంది. ఈ నెల్లో ప్రధాని మోదీతో ఎన్నికల ప్రచార సభను ఏర్పాటు చేసేందుకు కూటమి ప్రణాళికలు సిద్దం చేస్తోంది. ఇదే విషయంపై పార్టీ శ్రేణులతో చంద్రబాబు చర్చించారు. ఈ నెల 17 లేదా 18న టీడీపీ, జనసేన నిర్వహించే ఉమ్మడి భారీ బహిరంగ సభకు ప్రధాని నరేంద్ర మోదీ హాజరు కానున్నారనే సంకేతాలను బాబు ఇచ్చారు.

Prime Minister Narendra Modi to Attend TDP JanaSena Meeting : ఏపీలో మూడు పార్టీల మధ్య పొత్తు పొడిచి వేళ రాష్ట్రరాజకీయ ముఖచిత్రం మారుతోంది. టీడీపీ, జనసేన, బీజేపీ లు పోటీ చేసే సీట్లపై దాదాపు కొలిక్కి వేచ్చిన వేళ, పార్టీల అధినేతలు ప్రచారంపై దృష్టి పెడుతున్నారు. ఈ నేపథ్యంలో కూటమి, పొత్తులపై పార్టీ శ్రేణులపై టెలికాన్ఫరెన్స్ నిర్వహించిన టీడీపీ అధినేత చంద్రబాబు, త్వరలో రాష్ట్రంలో ప్రధాని మోదీ ఎన్నికల ప్రచార సభలో పాల్గొంటారనే సంకేతాలను ఇచ్చారు. ఈ నెల్లో టీడీపీ, జనసేన నిర్వహించే భారీ బహిరంగ సభకు మోదీ హాజరు కానున్నారని స్పష్టం చేశారు. మోదీ పాల్గొనే సభకు ఒక రోజు అటు ఇటు అయినా అనువైన ప్రదేశం ఎంపిక చేయాలని బాబు సూచించారు. ఈ మేరకు 17 లేదా 18 తేదీల్లో బహిరంగ సభ నిర్వహణకు ఏర్పాట్లు చేయాలని చెప్పారు. మూడు పార్టీలు కలిసి ఈ నెలలోనే ప్రచారం ప్రారంభిస్తామని చంద్రబాబు స్పష్టం చేశారు. పొత్తులో భాగంగా 30 అసెంబ్లీ, 8 పార్లమెంట్ స్థానాలను బీజేపీ, జనసేనలకు ఇస్తున్నట్లు నేతలతో చంద్రబాబు చెప్పినట్లు తెలుస్తోంది.

సీట్ల సర్దుబాటుపై చర్చలు : ఐదు సంవత్సరాలల్లో సీఎం జగన్‌ రాష్ట్రాన్ని దివాలా తీయించారని, ప్రస్తుత పరిస్థితుల్లో రాష్ట్రానికి కేంద్ర సహకారం అవసరమని చంద్రబాబు తెలిపారు. ఆర్థిక విధ్వంసం నుంచి కోలుకోవడానికి కేంద్రంతో కలిసి ఉండాలని సూచించారు. రాష్ట్ర ప్రయోజనాలు దృష్టిలో పెట్టుకునే పొత్తు పెట్టుకున్నామని, పొత్తులో భాగంగా ఎవరికైనా సీటు రాకుంటే నిరుత్సాహపడొద్దని అన్నారు. సీనియర్లు బాధ్యత తీసుకుని పొత్తు అవసరాన్ని నేతలకు వివరించాలని తెలిపారు. సీట్ల సర్దుబాటుపై చర్చలు జరిగాయని, స్పష్టత వచ్చిందని అన్నారు. పోటీ చేసే స్థానాలపై మరో సమావేశం తర్వాత నిర్ణయం ఉంటుందని, తమ మధ్య ఎలాంటి గందరగోళం లేదని స్పష్టం చేశారు.

భౌతికంగా లేకుండా చేయాలని చూశారు : రాష్ట్రాభివృద్ధి కోరుకునే మైనార్టీ సోదరులు తమకే ఓటేస్తారని అన్నారు. ఏ పార్టీ ఏ స్థానంలో పోటీ చేస్తుందో రెండ్రోజుల్లో వెల్లడిస్తామని, ఈ ప్రభుత్వంపై ప్రజలకు వ్యతిరేకత కంటే భయం ఎక్కువగా ఉందని, ప్రభుత్వాన్ని చూసి ప్రజలు భయపడటం ఏమిటని తెలిపారు. తనను అరెస్టు చేసినప్పుడు భౌతికంగా లేకుండా చేయాలని చూశారని పేర్కొన్నారు. జగన్ లాంటి రాజకీయ నేతను ప్రపంచంలో ఎక్కడా చూసి ఉండరని, జగన్ నేరాల్లో అందరూ భాగస్వాములు కావాలనేలా ఆయన వైఖరని చంద్రబాబు తెలిపారు.