How to Clean Air Cooler After Use in Summer: మాగ్జిమమ్ ఇప్పుడు కూలర్ ఎవరూ వాడకపోవచ్చు. ఎండాకాలం పూర్తయి.. వర్షాలు మొదలయ్యాయి. ఇప్పుడు మీ కూలర్ ఏ పరిస్థితిలో ఉందో ఓసారి వెళ్లి చూడండి! అలాగే ఉంచితే కొన్ని రోజుల్లోనే తుప్పు పట్టడం మొదలవుతుంది. మళ్లీ సమ్మర్ వచ్చేనాటికి పార్టులన్నీ పూర్తిగా పాడై, కొత్తవి కొనాల్సి పరిస్థితి వస్తుంది. అందుకే.. ఇప్పుడే జాగ్రత్తపడండి. మీ కూలర్ను భద్రంగా ఉంచడానికి ఈ టిప్స్ పాటించండి. ఇవి పాటిస్తే.. తప్పకుండా మరో 5 సంవత్సరాల పాటు కూలర్ చక్కగా పనిచేస్తుందని అంటున్నారు నిపుణులు. ఆ టిప్స్ ఏంటో చూద్దాం..
- కూలర్ను జాగ్రత్తగా భద్రపరచే ముందు.. మొదట స్విచ్ బోర్డుకు ఉన్న ప్లగ్స్ తీయాలి.
- ఆ తర్వాత కూలర్లో ఏమైనా నీళ్లు మిగిలి ఉంటే వాటిని బయట పారబోయండి.
- కూలర్ లోపల నీళ్లన్నీ తొలగించినా.. నాలుగు మూలల్లో నీళ్లు మిగిలి ఉంటాయి. అవి కూడా తీసేసి తడి లేకుండా చూసుకోవాలి.
- ఇప్పుడు కూలింగ్ ప్యాడ్లను కూలర్ నుంచి వేరు చేసి వాటిని సపరేట్గా క్లీన్ చేయాలి. వాటిని క్లీన్ చేయడానికి చిన్న బ్రష్లు ఉపయోగించడం మంచిది.
- బ్రష్ వల్ల చిన్న చిన్న మూలాల్లో ఉన్న దుమ్ము కూడా క్లీన్ అవుతుంది. కూలింగ్ ప్యాడ్లకు ఉన్న గడ్డి తాజాగా ఉంటే దాన్ని సపరేట్గా స్టోర్ చేయండి.
- దెబ్బతింటే పడేయండి. మళ్లీ కొత్తగా తీసుకోవచ్చు. పెద్దగా ఖర్చు కాదు. కొత్త గడ్డితోనే కూలింగ్ ఎక్కువగా వస్తుంది.
ఐరన్ దోశ పెనం నల్లగా మారిందా? - ఇలా చేసి అద్భుతాన్ని చూడండి! - Iron Dosa Tawa Cleaning Tips
- ఇప్పుడు కూలర్ లోపల భాగాలను క్లీన్ చేసుకోవాలి. తర్వాత ఫ్యాన్ బ్లేడ్లు, మోటారుకు ఉన్న దుమ్ము, ధూళిని శుభ్రం చేసుకోవాలి.
- ఇందుకోసం అవసరాన్ని బట్టి.. క్లాత్, బ్రష్ ఉపయోగించవచ్చు.
- ఆ తర్వాత గాలి పంకను మోటారు నుంచి వేరు చేయండి. పెద్ద స్క్రూ డ్రైవర్తో మీరే విప్పుకోవచ్చు.
- తర్వాత మోటారు వైర్ కనెక్షన్ తొలగించి.. ఇనుప కడ్డీలకు బిగించిన బోల్టులు విప్పేసి.. మోటారును బయటకు తీయండి. ఒకవేళ మీకు మోటారు తీయడం రాకపోతే ఎలక్ట్రిషీయన్ సాయం తీసుకోవచ్చు.
- పొడి క్లాత్తో శుభ్రంగా క్లీన్ చేసిన తర్వాత.. తుప్పు పట్టకుండా ఉండటానికి ఆయిల్ అప్లై చేయాలి. ఈ ఆయిల్స్ మార్కెట్లో లభిస్తాయి.
- ఆ తర్వాత మోటారు కొనుగోలు చేసినప్పుడు వచ్చిన బాక్స్లో స్టోర్ చేసుకుంటే సరిపోతుంది. లేదంటే మరేదైనా బాక్సులో పెట్టి తడి తగలని చోట ఇంట్లో దాచండి.
- అలాగే వాటర్ మోటార్ను కూడా రిమూవ్ చేసి శుభ్రం చేసుకుని స్టోర్ చేసుకోవాలి.
- ఇప్పుడు.. మిగిలిన కూలర్ భాగాల్లో ఏమైనా దుమ్ము, చెత్త ఉంటే మరొక్కసారి శుభ్రం చేసుకుని దానిపై క్లాత్ లేదా కవర్ కప్పి ఇంట్లో ఓ సైడ్కు పెట్టుకుంటే సరిపోతుంది. అయితే ఇక్కడ గుర్తుంచుకోవాల్సిన విషయం ఏంటంటే.. కూలర్ ఎప్పుడూ నిటారుగానే నిలబెట్టాలి. పడుకోబెట్టకూడదు.
- కూలర్ వినియోగం పూర్తయిన తర్వాత ఈ టిప్స్ పాటించి భద్రపరిస్తే.. మళ్లీ వచ్చే సమ్మర్ లో నేరుగా బిగించుకొని వాడుకోవచ్చు. కొత్త కూలర్ కొనాల్సిన అవసరమే ఉండదని నిపుణులు సూచిస్తున్నారు.