நெல்லை மாவட்டம் அம்பாசமுத்திரத்தைச் சேர்ந்த தீயணைப்பு நிலையத்தில் பணிபுரிந்த மில்டன் ஜெயக்குமாரும் அவரது மகளான ரெனி லாரோஸ் இருவரும் சேலத்திற்கு சென்றுவிட்டு திரும்பிக் கொண்டிருந்தனர். அப்போது, ஸ்ரீவில்லிப்புத்தூர் அருகே பிள்ளையார் நத்தம் விலக்குப் பகுதியில் கேரளாவிலிருந்து வந்த லாரியின் மீது கார் நேருக்கு நேர் மோதி விபத்துக்குள்ளானது.
இந்த விபத்தில் காரில் பயணம் செய்த மில்டன் ஜெயக்குமார், ரெனி லாரோஸ் ஆகிய இருவரும் சம்பவ இடத்திலேயே பரிதாபமாக உயிரிழந்தனர். தகவலறிந்து சம்பவ இடத்திற்கு வந்த காவல் துறையினர், தீயணைப்புத் துறையினர் உடலை மீட்டு உடற்கூறு ஆய்விற்காக ஸ்ரீவில்லிப்புத்தூர் அரசு மருத்துவமனைக்கு அனுப்பிவைத்தனர். இந்த விபத்து குறித்து ஸ்ரீவில்லிப்புத்தூர் நகர காவல் துறையினர் வழக்குப்பதிவு செய்து லாரி ஓட்டுநரை கைது செய்து விசாரணை நடத்திவருகின்றனர்.
