சில தினங்களுக்கு முன் பொன்னமராவதியில் ஒரு சமூகம் குறித்து இழிவாகப் பேசி வாட்ஸ் ஆப்பில் ஆடியோ வெளியான சம்பவத்தைக் கண்டித்து அது தொடர்புடைய இருவரைக் கைது செய்யக் கோரி அருப்புக்கோட்டை, காரியாபட்டி, திருச்சுழி மற்றும் அதனைச் சுற்றியுள்ள பல்வேறு பகுதிகளில் போராட்டங்கள், சாலைமறியல் நடைபெற்று வருகின்றன.
இந்நிலையில் அருப்புக்கோட்டையிலிருந்து மதுரைக்குச் சென்றுகொண்டிருந்த அரசுப் பேருந்தின் பின்பக்க கண்ணாடி உடைக்கப்பட்டுள்ளது. பேருந்தில் பயணம் செய்த பயணிகள் மயிரிழையில் உயிர் தப்பினர். ஓட்டுநர் உடனடியாக பேருந்தை நிறுத்தி அருகில் உள்ள காரியாபட்டி காவல் நிலையத்தில் புகார் அளித்தார். புகாரின் அடிப்படையில் சம்பவ இடத்திற்கு விரைந்து வந்த காவல்துறையினர், பேருந்தின் கண்ணாடி உடைந்த சம்பவம் குறித்து விசாரணை மேற்கொண்டு வருகின்றனர்.
