விருதுநகர் மாவட்டம் ராஜபாளையம் அருகே உள்ள செவல்பட்டி பகுதியைச் சேர்ந்தவர் கண்ணன். இவர் தனக்குச் சொந்தமான சொகுசு காரில் மதுரை சென்றுவிட்டு திரும்பி ராஜபாளையம் நோக்கி வரும்வழியில் டி. கல்லுப்பட்டி அருகே டாடா ஏசி வாகனத்தை முந்திச் செல்ல முற்பட்டார். அப்போது கண்ணனுக்கும் டாடா ஏசி ஓட்டுநருக்கும் இடையே வாக்குவாதம் ஏற்பட்டுள்ளது.
துப்பாக்கிக் காட்டி டாடா ஏசி ஓட்டுநருக்கு மிரட்டல்
இதைத் தொடர்ந்து டாடா ஏசி ஓட்டுநரை தன்னிடமிருந்த கைத்துப்பாக்கியைக் காட்டி கண்ணன் மிரட்டியுள்ளர். இது குறித்து, கிருஷ்ணன்கோவில் காவல் நிலையத்தில் டாடா ஏசி ஓட்டுநர் புகார் அளித்தார். அதனடிப்படையில் காவல் துறையினர் ராஜபாளையம் அருகே உள்ள சோதனைச் சாவடிக்குத் தகவல் கொடுத்தனர்.
இதன்பேரில், தீவிர வாகன சோதனையில் ஈடுபட்ட காவல் துறையினர் கண்ணனின் வாகனத்தை மடக்கிப்பிடித்து அவரை கைது செய்து கைத்துப்பாக்கியை பறிமுதல் செய்தனர்.
