விருதுநகர் மாவட்டத்தில் கரோனா பரவலின் வேகம் நாளுக்கு நாள் அதிகரித்துக்கொண்டே வருகிறது. ஏற்கனவே 5 ஆயிரத்து 193 பேருக்கு கரோனா தொற்றால் பாதிக்கப்பட்ட நிலையில், இன்று மேலும் 376 பேருக்கு தொற்று உறுதியாகியுள்ளது.
இதன்மூலம் பாதிக்கப்பட்டோரின் எண்ணிக்கை 5 ஆயிரத்து 573 பேர் கரோனாவால் பாதிக்கப்பட்டுள்ளனர். மேலும் இதுவரை 3 ஆயிரத்து 116 பேர் பாதிப்பிலிருந்து குணமாகி வீடு திரும்பியுள்ளனர்.
மேலும், 2 ஆயிரத்து 357 பேர் விருதுநகர், அருப்புக்கோட்டை, சாத்தூர், சிவகாசி, ராஜபாளையம் போன்ற பகுதியில் உள்ள சிறப்பு கரோனா வார்டுகளில் சிகிச்சை பெற்று வருகின்றனர். இத்தொற்றின் காரணமாக இன்று மட்டும் 9 பேர் உயிரிழந்துள்ளனர். இதுவரை மாவட்டத்தில் 52 பேர் கரோனா தொற்றால் உயிரிழந்துள்ளனர்.
