விழுப்புரம் மாவட்டம் உளுந்தூர்பேட்டை பேரூராட்சிக்கு உட்பட்ட கீரனூர் பகுதியில் உள்ள அரசு பொது கழிப்பிடத்தில் மின் மோட்டார் பழுது அடைந்து பத்து நாட்களுக்கு மேலாகிறது. இதனால் தண்ணீர் வசதி இல்லாததால் பொதுக் கழிப்பிடத்தை மக்கள் பயன்படுத்த முடியாத நிலை உருவாகியுள்ளது.
பொது கழிவறை 10 நாட்களாக இயங்கவில்லை
இதை உடனடியாக சரி செய்ய கூறி பெண்கள் அமைப்பு சார்பாக பேரூராட்சி நிர்வாகத்திற்கு இரண்டு நாட்கள் முன்பு மனு அளித்தனர். அதை பொருட்படுத்தாத நிலையில் இன்று மீண்டும் 50-க்கும் மேற்பட்ட பெண்கள் பேரூராட்சி அலுவலகத்தை முறையிட்டனர். அவர்களை சமாதானப்படுத்தி, உடனடியாக மின் மோட்டார் பழுது பார்க்கப்படும் என பேரூராட்சி நிர்வாகம் உறுதியளித்ததை தொடர்ந்து அங்கிருந்து கலைந்து சென்றனர்.
இதையும் படிங்க: பயன்பாடற்று பூட்டிக்கிடக்கும் ரயில்நிலைய கழிவறைகள் - மக்கள் அவதி
