விழுப்புரம் மாவட்டத்தில் தமிழ்நாடு ஊரக புத்தாக்க திட்டத்தின் கீழ் குடிபெயர்ந்து மீண்டும் சொந்த ஊர் திரும்பிய திறன் பெற்ற இளைஞர்களுக்கு தொழில் தொடங்குவதற்கு தலா 1 லட்சம் ரூபாய் வீதம் 70 பயனாளிகளுக்கு 70 லட்சம் ரூபாய் மதிப்பிலான காசோலையை அமைச்சர் சி.வி. சண்முகம் வழங்கினார்.
இதனைத்தொடர்ந்து சமூக பாதுகாப்பு திட்டத்தின் கீழ் பல்வேறு விபத்துகளில் உயிரிழந்த 6 நபர்களின் குடும்ப வாரிசுதாரர்களுக்கு முதலமைச்சரின் பொது நிவாரண நிதியிலிருந்து 14 லட்சம் ரூபாய் மதிப்பிலான காசோலைகளையும் வழங்கினார்.
மாவட்ட ஆதிதிராவிடர் நலத்துறை சார்பில் ஒருவருக்கு கருணை அடிப்படையில் சமையலர் பணிக்கான பணி நியமன ஆணையும் வழங்கப்பட்டது.
முன்னதாக மாற்றுத்திறனாளிகள் நலத்துறை சார்பில் தசை சிதைவு மற்றும் பக்கவாதத்தால் பாதிக்கப்பட்ட மாற்றுத்திறனாளிகளுக்கு 1 லட்சம் ரூபாய் மதிப்பீட்டிலான அதிநவீன பேட்டரியால் இயங்கும் சிறப்பு இருசக்கர நாற்காலியினை 3 மாற்றுத்திறனாளிகளுக்கு வழங்கினார்.
இந்நிகழ்ச்சியில் மாவட்ட ஆட்சியர் ஆ. அண்ணாதுரை, அதிமுக சட்டப்பேரவை உறுப்பினர்கள் கலந்துகொண்டனர்.
இதையும் படிங்க: கட்டுபாடுகளுடன் பள்ளிகள், திரையரங்குகள் திறக்க அனுமதி!
