கள்ளக்குறிச்சி மாவட்டம் தீப்பெட்டி தொழிற்சாலை பகுதியைச் சேர்ந்தவர் குருமூர்த்தி (19). இவர் ராஜராஜேஸ்வரி கோயிலில் அர்ச்சகராக பணிபுரிந்து வருகிறார். கார்த்திகை தீபத்தின் இரண்டாம் நாளான நேற்று இவர் கோவிலின் கோபுரத்தில் தீபமேற்ற சென்றதாக கூறப்படுகிறது.
கோயில் வளாகத்தில், ஓம் சக்தி வழிபாட்டு மன்றத்தினர் பிரசாத பொட்டலங்கள் தயார் செய்து கொண்டிருந்தனர். அப்போது, திடீரென பட்டாசு வெடிப்பது போல் சத்தம் கேட்டதுடன் விளக்கேற்றச் சென்ற குருமூர்த்தி கீழே விழுந்து பேச்சு மூச்சற்று நிலையில் கிடந்துள்ளார்.
இதைக்கண்டவர்கள் குருமூர்த்தியை சிகிச்சைக்காக கள்ளக்குறிச்சி அரசு மருத்துவமனைக்கு கொண்டு சென்றுள்ளனர். அங்கு அவரை பரிசோதித்த மருத்துவர்கள் குருமூர்த்தி ஏற்கனவே இறந்து விட்டதாக தெரிவித்தனர்.
இதையடுத்து, உடற்கூறாய்வுக்காக பிணவறைக்கு கொண்டு செல்லப்பட்டது. கார்த்திகை தீபத்தின் இரண்டாம் நாளான நேற்று இதுபோல் சம்பவம் நடந்திருப்பது அப்பகுதியில் பெரும் சோகத்தை ஏற்படுத்தியுள்ளது.
இதுகுறித்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.
இதையும் படிங்க:
#HBDRajinikanth அன்றும்..இன்றும்..என்றும் ரஜினி 'தனி வழி' கொண்ட தலைவனுக்கு பிறந்த நாள் வாழ்த்துகள்!
