விழுப்புரம், கள்ளக்குறிச்சி மாவட்டத்தில் உள்ள சட்டப்பேரவை தொகுதிகளுக்கு உட்பட்ட இடங்களில் 2020ஆம் ஆண்டு ஜனவரி 1ஆம் தேதியை ஏற்பு நாளாக கொண்டு வாக்காளர் பட்டியல் சிறப்பு சுருக்க திருத்தப் பணி இன்று தொடங்கி ஜனவரி 22ஆம் தேதி வரை நடைபெற உள்ளது. இந்த பணியை மாவட்ட ஆட்சியர் அண்ணாதுரை இன்று தொடங்கி வைத்து, அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் வரைவு வாக்காளர் பட்டியலை வெளியிட்டார்.
பின்னர் அவர் செய்தியாளர்களிடம் பேசுகையில், "விழுப்புரம் மாவட்டத்தில் உள்ள 11 சட்டப்பேரவைத் தொகுதிகளுக்கு வெளியிடப்பட்டுள்ள வாக்காளர் பட்டியலில் மொத்தம் 26 லட்சத்து 87 ஆயிரத்து 274 வாக்காளர்கள் உள்ளனர். இதில் ஆண்கள் 13 லட்சத்து 44 ஆயிரத்து 72 பேரும், பெண்கள் 13 லட்சத்து 42 ஆயிரத்து 824 பேரும் மற்றவர்கள் 378 பேரும் உள்ளனர்.
www.nvsp.in என்ற இணையதளம் மூலமாக வாக்காளர்கள் தங்களது விவரங்களை சரிபார்த்துக் கொள்ளலாம். மேலும் வாக்காளர் பட்டியல் தொடர்பான தகவல்கள் ஏதும் தேவைப்பட்டால் 1950 என்ற இலவச எண்ணை தொடர்புகொண்டு தேவையான விவரங்களை பெற்றுக் கொள்ளலாம். அடுத்தாண்டு ஜனவரி 4, 5 மற்றும் 11, 12 ஆகிய தேதிகளில் தங்கள் பகுதிகளில் நடைபெறவுள்ள சிறப்பு முகாம்களில் பொதுமக்கள் கலந்துகொண்டு பயன்பெறலாம்" என்றார்.
இதையும் படிங்க: செம்பனார்கோவில் பகுதியில் எம்எல்ஏ பவுன்ராஜ் வாக்கு சேகரிப்பு!
