கள்ளக்குறிச்சி மாவட்டம் சின்ன சேலத்தில் தேமுதிக பெண் நிர்வாகி காரை திருடிய அடையாளம் தெரியாத நபர்களை சின்னசேலம் காவல் துறையினர் தேடி வருகின்றனர்.
விஜயபுரம் பகுதியில் வசிக்கும் ரெஜினா மேரி அழகு நிலையம், தையல் ஆகிய தொழில்களைச் செய்து வருகிறார். தேமுதிக நிர்வாகியான இவர், வழக்கம் போல் தனது வீட்டருகே காரை நிறுத்தி வைத்திருந்த நிலையில், அடையாளம் தெரியாத நபர்கள் கள்ளச்சாவி போட்டு எடுத்துச் சென்றுள்ளனர்.
அப்போது காரில் இருந்து அபாய ஒலி எழுந்துந்தன் மூலம் ரெஜினா மேரி தனது நண்பர் ஒருவருக்கு கைப்பேசியில் தகவல் தெரிவித்ததையடுத்து அவர் காரை பின்தொடர்ந்து சென்றுள்ளார். இதனையடுத்து தேசிய நெடுஞ்சாலையில் உள்ள பெட்ரோல் பங்கில் அந்த காரை நிறுத்தி டீசல் போடும்போது, ரெஜினாவின் நண்பர் காரின் சாவியை எடுக்க முயன்றுள்ளார்.
அப்போது டீசலுக்கு பணம் தராமல் காரை திருடிய நபர்கள் காரை, ஒருவர் மீது இடித்துவிட்டு வேகமாக தப்பிச் சென்றுள்ளனர். மேலும் இது குறித்து வழக்குப்பதிவு செய்து காரை திருடிச் சென்ற நபர்களைக் காவல் துறையினர் தேடி வருகின்றனர்.
