சென்னையைச் சேர்ந்த பிரபல ரவுடி நாகேந்திரனின் கூட்டாளி வெள்ளை பிரகாஷ். இவர் பல கொலை வழக்குகளில் தொடர்புடையவர். கடந்த நான்கு ஆண்டுகளாக நீதிமன்றத்தில் ஆஜராகாமல் தலைமறைவாக இருந்து வந்துள்ளார். வெள்ளை பிரகாஷை காவல்துறையினர் தீவிரமாகத் தேடி வந்தனர்.
இந்நிலையில் விழுப்புரம் மாவட்டம் செஞ்சி அருகே வெள்ளை பிரகாஷ் தனது குடும்பத்துடன் வசித்து வருவதாக காவல்துறையினருக்குத் தகவல் கிடைத்தது.
இதையடுத்து காவல்துறையினர் வீட்டைச் சுற்றி வளைத்து தங்களது கட்டுப்பாட்டுக்குள் கொண்டு வந்து அவரை துப்பாக்கி முனையில் கைது செய்தனர். அவரிடமிருந்து கத்தி, அரிவாள் உள்ளிட்ட ஆயுதங்களை கைப்பற்றினர்.
இதையும் படிங்க: மதுபோதையில் காவலர் வாகனத்தை ஓட்டிச் சென்ற வங்கி மேலாளர் கைது!
