மழை வேண்டி கழுதைகளுக்கு கல்யாணம்!

வேலூர்: திருப்பத்தூர் அருகே மழை வேண்டி 46 கிராமத்தைச் சேர்ந்த மக்கள் இணைந்து கழுதைக்கும் கழுதைக்கும் திருமணம் செய்து வைத்தனர்

வேலூர் மாவட்டம் திருப்பத்தூர் மலை சூழ்ந்த பகுதியாக இருந்தும் கடந்த ஓராண்டு காலமாக முறையாக மழை பெய்யாததால் குடிநீர் பஞ்சம் ஏற்பட்டுள்ளது. மேலும் மலைப்பகுதியில் வசிக்கும் வனவிலங்குகள் மக்கள் வசிக்கும் பகுதிகளுக்கு வருகின்றன.

இந்த கடும் பஞ்சத்தை போக்கும் வகையில் திருப்பத்தூர் அடுத்த கந்தலி, கும்பிடிகாம்பட்டி ஊராட்சி வட்டத்தில் உள்ள 46 கிராம மக்கள் ஒன்றுகூடி மழை வேண்டி பஞ்சக் கல்யாணி என்றழைக்கப்படும் பெண் கழுதைக்கும், ஆண் கழுதைக்கும் திருமணம் நடத்தி ஊர்வலமாக அழைத்துவந்தனர்.

இந்த திருமண நிகழ்வில் 46 கிராம மக்கள் சார்பில் திருமணத்திற்கு வந்த அனைவருக்கும் அன்னதானம் வழங்கப்பட்டது. அறிவியல் வளர்ச்சி கண்ட இந்த காலத்திலும் கழுதைக்கும், கழுதைக்கும் திருமணம் செய்துவைத்தால் நல்ல மழை பொழியும் என்பது தங்களது ஐதீகம் என்று ஊர் பெரியவர்கள் தெரிவிக்கின்றனர்.