ஸ்ரீரங்கம் சித்திரைத் தேரோட்டம்: விண்ணைப் பிளந்த கோவிந்தா கோஷம் - சித்திரை தேரோட்டம்

திருச்சி: ஸ்ரீரங்கம் அரங்கநாதர் கோயிலில் சித்திரைத் தேர்த்திருவிழா கோலாகலமாக நடைபெற்றது. இதில் கலந்துகொண்ட பக்தர்கள் கோவிந்தா கோஷம் எழுப்பி சாமி தரிசனம் செய்தனர்.

ஸ்ரீரங்கம்

Published : May 3, 2019, 1:50 PM IST

Updated : May 3, 2019, 3:07 PM IST

திருச்சி ஸ்ரீரங்கம் அரங்கநாதர் கோயிலில் சித்திரைத் திருவிழா கோலாகலமாக நடைபெற்றது. பூலோக வைகுண்டம் என பக்தர்களால் போற்றப்படும் ஸ்ரீரங்கம் அரங்கநாதர் திருக்கோயில் சித்திரைத் தேர்த்திருவிழா ஏப்ரல் மாதம் 25ஆம் தேதி கொடியேற்றத்துடன் தொடங்கியது.

இந்த விழாவின் முக்கிய நிகழ்ச்சியான சித்திரைத் தேரோட்டம் இன்று (மே 3) காலை நடைபெற்றது. பெருமாளுக்கு சிறப்பு பூஜைகளுடன் அலங்காரம் செய்யப்பட்டது. பெருமாள் வீற்றிருந்த தேரை ஆயிரக்கணக்கான பக்தர்கள் வடம்பிடித்து இழுத்தனர். அப்போது, பக்தர்கள் எழுப்பிய கோவிந்தா கோஷம் விண்ணைப் பிளந்தது.

Intro:ஸ்ரீரங்கம் அரங்கநாதர் கோவில் சித்திரைத் தேர்த்திருவிழா இன்று நடந்தது

Body:குறிப்பு: இதற்கான வீடியோ மெயில் மூலம் அனுப்பி வைக்கப்பட்டுள்ளது...

திருச்சி
ஸ்ரீரங்கம் அரங்கநாதர் கோவிலில் சித்திரை திருவிழா கோலாகலமாக நடைபெற்றது. 108 வைணவ திருத்தலங்களில் முதன்மையானதும், பூலோக வைகுண்டம் என பக்தர்களால் போற்றப்படுவதுமான ஸ்ரீரங்கம் அரங்கநாதர் திருக்கோவில் சித்திரை தேர் திருவிழா கடந்த மாதம் 25ஆம் தேதி கொடியேற்றத்துடன் தொடங்கியது. விழாவையொட்டி நாள்தோறும் வீதி உலா நடைபெற்றது. 30ஆம் தேதி காலை தங்க ஹம்ச வாகனத்திலும், மாலை யானை வாகனத்திலும் நம்பெருமாள் எழுந்தருளி சித்திரை வீதிகளில் உலா வந்தார்.
மே 1ஆம் தேதி நெல்லளவு கண்டருளினார். நேற்று காலை வெள்ளிக்குதிரை வாகனத்தில் உலா வந்த நம்பெருமாள் மாலை தங்க குதிரை வாகனத்தில் வீதி உலா வந்து பக்தர்களுக்கு சேவை சாதித்தார்.
விழாவின் முக்கிய நிகழ்ச்சியான சித்திரை தேரோட்டம் இன்று காலை நடைபெற்றது. அதிகாலை 3.45 மணிக்கு கண்ணாடி அறையில் இருந்து புறப்பட்டு தேர் மண்டபத்தை நம்பெருமாள் வந்தடைந்தார். சிறப்பு பூஜைகளுக்கு பிறகு காலை 6.15 மணி அளவில் அங்கு திரண்டிருந்த ஆயிரக்கணக்கான பக்தர்கள் நம்பெருமாளின் நாமத்தை விண்ணதிர முள்ளங்கி தேரை வடம்பிடித்து இழுத்தனர். சித்திரை தேர் ஆலயத்தின் முக்கிய வீதிகளில் வலம் வந்தது. தேரோட்டத்தை முன்னிட்டு அதிக அளவில் போலீசார் குவிக்கப்பட்டு பாதுகாப்பு பணிகளில் ஈடுபடுத்தப்பட்டனர்.

Conclusion:ஆயிரக்கணக்கான பக்தர்கள் திரண்டு தேரை வடம் பிடித்து இழுத்தனர்.

Last Updated : May 3, 2019, 3:07 PM IST

For All Latest Updates