திருச்சி மாவட்டம் மணப்பாறையில் கல்லூரி மாணவ, மாணவியர்களுக்கான சட்ட விழிப்புணர்வு முகாம் தனியார் கல்லூரியில் நடைபெற்றது. இந்த முகாமில் மாவட்ட சட்டப் பணிகள் குழு செயலாளர் நீதிபதி நந்தினி, முதன்மை மாவட்ட உரிமையியல் நீதிபதி கே.எம்.கலையரசி ஆகியோர் பங்கேற்றனர். நிகழ்ச்சியில் கல்லூரி மாணவிகள், ஆசிரியர்கள், வட்ட சட்டப்பணிகள் குழு தன்னார்வலர்கள் பலர் கலந்துகொண்டனர்.
அப்போது நீதிபதி நந்தினி பேசுகையில், தலைக்கவசம், மாணவ மாணவியர்களுக்கு சட்டம் தரும் பாதுகாப்பு, குழந்தை திருமணம், குழந்தை தொழிலாளர் ஆகியவை குறித்து விளக்கமளித்தார். மேலும், தொலைபேசியால் ஏற்படும் பிரச்னைகள் குறித்தும் அவர் விளக்கினார்.
