பொதுத்தேர்வு முடிந்து பள்ளி மாணவர்களுக்கு கோடைவிடுமுறை விடப்பட்டுள்ளது. இந்த விடுமுறையை பயனுள்ளதாக மாற்றும் வகையில், பல்வேறு பகுதிகளில் சிறப்பு இலவச பயிற்சி வகுப்புகள் நடத்தப்பட்டு வருகிறது. இதில் ஒரு பகுதியாக திருப்பூரில் தமிழ் பண்பாட்டு மையம் சார்பில் பனை ஓலைகள் மூலம் கைவினைப்பொருட்கள் தயாரிக்கும் இலவச கோடைக்கால பயிற்சி வகுப்புகள் ரோட்டரி கிளப்பில் நடத்தப்பட்டு வருகிறது.
பனை ஓலையில் கைவினை பொருட்கள் தயாரிக்கும் பயிற்சி வகுப்பு
இதில் பனை ஓலைகள் மூலம் மாணவர்கள் தாங்களாகவே தங்களது விளையாட்டு பொருட்களை தயார் செய்யும் பயிற்சியும் வழங்கப்பட்டது. இதில் மாணவர்கள் காற்றாடி , கண் கண்ணாடி உள்ளிட்ட பல்வேறு பொருட்களை ஆர்வத்துடன் செய்து அசத்தினர்.
