திருப்பூர் மாவட்டம் காங்கேயம் அருகேயுள்ள படியூர் காவல் சோதனைச்சாவடியில் நேற்று (ஏப். 11) மாலை காவல் துறையினர் வாகனச் சோதனையில் ஈடுபட்டிருந்தனர். அப்போது, இருசக்கர வாகனத்தில் அவ்வழியாக வந்தவரை தடுத்து நிறுத்தி விசாரணை நடத்தினர்.
அதில், தஞ்சாவூரைச் சேர்ந்த கண்ணன் (34) என்பதும், கலர் ஜெராக்ஸ் எடுக்கப்பட்ட ஒரு லட்சத்து 29 ஆயிரம் ரூபாய் கள்ள நோட்டுகள் அவரிடம் இருந்ததும் திருப்பூரில் புழக்கத்தில் விடுவதற்காகக் கொண்டுசென்றதும் கண்டுபிடிக்கப்பட்டது.
இதையடுத்து, கண்ணன் வீட்டில் ஜெராக்ஸ் எடுத்து கட் செய்யாமல் இருந்த 72 ஆயிரம் ரூபாய், கலர் பிரிண்டர் ஆகியவை பறிமுதல்செய்யப்பட்டன. பின்னர் இது தொடர்பாக காவல் துறையினர் வழக்குப்பதிவு செய்து கண்ணனைக் கைதுசெய்து சிறையில் அடைத்தனர்.
இதையும் படிங்க: பெட்ரோல் பங்க்கில் கள்ள நோட்டு மாற்றம்
