கோயில்களின் பூட்டை உடைத்து நகை பணம் கொள்ளை

வாணியம்பாடியில் அடுத்தடுத்து மூன்று கோயில்களில்,அடையாளம் தெரியாத நபர்கள் பூட்டை உடைத்து நகை பணத்தை கொள்ளையடித்தனர்.

திருப்பத்தூர் : வாணியம்பாடி பெரியபேட்டை பகுதியில் உள்ள அழகு மாரியம்மன் கோயிலில் நேற்று இரவு கோயில் பூசாரி ஏகாம்பரம் என்பவர் பூஜையை முடித்துவிட்டு கோயிலை பூட்டி சென்றுள்ளார்.

இந்நிலையில், இன்று (ஜுலை 03) காலை பூஜைக்காக கோயிலை திறக்க வந்தபோது கோயிலின் பூட்டை உடைத்து அடையாளம் தெரியாத நபர்கள் உண்டியலில் இருந்த பணத்தை கொள்ளையடித்தது சென்றது தெரியவந்தது.

இதையடுத்து பூசாரி அளித்த புகாரின் பேரில் நகர காவல் துறையினர் வழக்குப்பதிவு செய்து கோயிலில் பொருத்தப்பட்டிருந்த சிசிடிவி கேமராவில் பதிவாகியுள்ள காட்சியின் அடிப்படையில் அடையாளம் தெரியாத நபர்களை வருகின்றனர்.

இதேபோல் வாணியம்பாடி இராமையன்தோப்பு பகுதியில் உள்ள பாரத கோயில், முருகர் கோயிலின் பூட்டை உடைத்து உள்ளே சென்ற அடையாளம் தெரியாத நபர்கள் பீரோ, உண்டியலை உடைத்து பொருட்களை கொள்ளையடித்துள்ளனர்.

ஒரே நாளில் அடுத்தடுத்து மூன்று கோயில்களில் கொள்ளை நடந்த சம்பவம் வாணியம்பாடி பகுதியில் பெரும் பரபரப்பை ஏற்படுத்தியுள்ளது.