ராஜீவ் காந்தி கொலை வழக்கில் சிறை தண்டனை அனுபவித்து வரும் பேரறிவாளனுக்கு 30 நாள்கள் சாதாரண சிறை விடுப்பு வழங்கி முதலமைச்சர் மு.க.ஸ்டாலின் மே 19ஆம் தேதி உத்தரவு பிறப்பித்திருந்தார். இந்நிலையில் இன்று (மே.28) பேரறிவாளன் 30 நாள்கள் பரோலில் தனது சொந்த ஊருக்கு வந்தடைந்தார்.
இதுகுறித்து பேரறிவாளன் தாயார் அற்புதம்மாள் கூறுகையில், "நெருக்கடியான கரோனா காலக்கட்டத்தில் என்னுடைய வேண்டுகோளை ஏற்று, என் மகனின் நோய் எதிர்ப்பு சக்தியை கருத்தில் கொண்டு மருத்துவத் தேவைக்காக 30 நாள்கள் விடுப்பு வழங்கிய முதலமைச்சருக்கு நன்றி. இது என் மகனின் 30 ஆண்டுகாலப் போராட்டம் என்பது எல்லோருக்கும் தெரியும்.
அவன் நோயால் அவதிப்படுகிறான், அவனுக்கு நோய் எதிர்ப்பு சக்தி இல்லை, என்பதால்தான் இந்தக் கரோனா காலக்கட்டத்தில் விடுமுறை கேட்க்கூடிய சூழல் உருவாகியது. அதனை உணர்ந்து முதலமைச்சர் ஸ்டாலின் பரோல் வழங்கியுள்ளார். மேலும் தொடர்ந்து அவனது மருத்துவ சிகிச்சைக்கு அரசு உதவி செய்ய வேண்டும்" என்று கேட்டுக்கொண்டார்.
இதையும் படிங்க: ஓ.என்.வி விருது சர்ச்சை: 'மீ டூ'வை வைத்து ஒதுக்கப்படுகிறாரா கவிப்பேரரசு!
