கூடுதல் மின் உற்பத்தி - தூத்துக்குடி அனல் மின் நிலையத்தில் மின் உற்பத்தி நிறுத்தம்

தூத்துக்குடி: காற்றாலை, சூரிய ஒளி மூலம் தமிழ்நாட்டில் மின் உற்பத்தி அதிகமாகி வரும்ட நிலையில், தூத்துக்குடி அனல் மின் நிலையத்தில் நான்கு யூனிட்டில் மின் உற்பத்தி நிறுத்திவைக்கப்பட்டுள்ளதாக மின்வாரியம் தெரிவித்துள்ளது.

தமிழ்நாடு முழுவதும் காற்றாலை, சோலார் மின் திட்டம் மூலம் தற்போது அதிக மின்சாரம் உற்பத்தி செய்யப்பட்டு வருகிறது. இதனால் தேவைக்கு அதிகமாக மின்சாரம் உற்பத்தி செய்யப்படுகிறது. இதனால் தூத்துக்குடி அனல் மின் நிலையத்தில் தற்போது 4 யூனிட்களில் மின் உற்பத்தி நிறுத்தி வைக்கப்பட்டுள்ளதாக மின்வாரியம் தெரிவித்துள்ளது.

தூத்துக்குடி அனல் மின் நிலையத்தில் உள்ள 5 யூனிட்கள் மூலம் 1,050 மெகாவாட் மின் உற்பத்தி செய்யப்பட்டு வருகிறது. நான்கு யூனிட்கள் நிறுத்திவைக்கப்பட்டுள்ள நிலையில், ஒரு யூனிட்டில் மட்டும் 210 மெகாவாட் மின் உற்பத்தி செய்யப்பட்டு வருகிறது.