தூத்துக்குடியில் அகில இந்திய வேலைநிறுத்தம்: துறைமுகத்தில் வேலை பாதிப்பு

தூத்துக்குடி: அகில இந்திய வேலைநிறுத்தத்தால் வ.உ. சிதம்பரனார் துறைமுகத்தில் சரக்குகள் ஏற்றி இறக்கும் பணி முற்றிலும் பாதிப்படைந்துள்ளது.

தூத்துக்குடி வ.உ. சிதம்பரனார் துறைமுக தொழிலாளர் பதிவு கூடம் அருகே ஹெச்.எம்.எஸ்., ஐ.என்.டி.யூ.சி., சி.ஐ.டி.யூ. உள்ளிட்ட அனைத்து தொழிற்சங்கத்தினர் சார்பில் அகில இந்திய வேலைநிறுத்தப் போராட்டம் இன்று தொடங்கியுள்ளது.

போராட்டத்தின்போது பொதுத் துறை நிறுவனங்களை விற்கும் முயற்சியை மத்திய அரசு கைவிட வேண்டும், பெருந்துறைமுகங்களை தனியார்மயமாக்கும் முயற்சியை கைவிட வேண்டும், ஓய்வூதியம் வழங்கும் நிதியை தனியார் வங்கிகளிலும் பங்குச்சந்தையிலும் முதலீடு செய்வதை நிறுத்த வேண்டும், மத்திய அரசு தொழிலாளர்கள் விரோதப்போக்கை கைவிட வேண்டும் உள்ளிட்ட கோரிக்கைகள் வலியுறுத்தப்பட்டன.

போராட்டத்தில் ஹெச்.எம்.எஸ்., ஐ.என்.டி.யூ.சி., சி.ஐ.டி.யூ. உள்ளிட்ட தொழிற்சங்கத்தினர் ஏராளமானோர் கலந்துகொண்டுள்ளனர்.

இதையும் படிங்க: குருத்வாரா தாக்குதல்: பாகிஸ்தான் தூதரகத்தில் போராட்டம்!