தூத்துக்குடி மாவட்டம் மேலத்தட்டப்பாறை ஊராட்சி ஒன்றிய நடுநிலைப்பள்ளியில் போலியோ சொட்டு மருந்து வழங்கும் முகாம் இன்று நடைபெற்றது. இம்முகாமில் செய்தி மற்றும் விளம்பரத் துறை அமைச்சர் கடம்பூர் செ.ராஜூ கலந்துகொண்டு, குழந்தைகளுக்கு போலியோ சொட்டு மருந்து வழங்கி, தூத்துக்குடி மாவட்டத்தில் போலியோ சொட்டு மருந்து வழங்கும் பணிகளைத் தொடங்கி வைத்தார்.
அதன் பின்னர் செய்தியாளர்களிடம் பேசிய அவர், "தமிழ்நாட்டில் போலியோ சொட்டு மருந்து வழங்கும் முகாம்கள் அனைத்துப் பகுதிகளிலும் அமைக்கப்பட்டு 0 முதல் 5 வயதிற்குட்பட்ட அனைத்து குழந்தைகளுக்கும் சொட்டு மருந்து வழங்கப்படுகிறது. தூத்துக்குடி மாவட்டத்தில் மொத்தம் ஆயிரத்து 222 முகாம்கள் அமைக்கப்பட்டு இதன் மூலம் 13,625 குழந்தைகளுக்கு போலியோ சொட்டு மருந்து வழங்கப்படுகிறது.
மத்திய நிதிநிலை அறிக்கை: அல்வா கொடுக்கத் தயாராகும் நிதியமைச்சர்!
நகராட்சி மற்றும் மாநகராட்சிக்கு நடைபெற இருக்கின்ற தேர்தல்களிலும் அதிமுக கூட்டணி தொடரும். அம்மா நாளிதழ் குறித்து விமர்சனம் செய்த திருநாவுக்கரசர் தற்போது எங்கே இருக்கின்றார் என்று அவரே தெரியாமல் குழம்பி போய் இருக்கிறார். பல கட்சிகளுக்கு சென்று திரும்பியவர் திருநாவுக்கரசர்" என விமர்சித்து பேசினார்.
