தூத்துக்குடி மாவட்டத்தில் மார்க்சிஸ்ட் கம்யூனிஸ்ட் கட்சியின் சார்பில் கோயில் நிலங்களில் குடியிருப்போருக்கு வீட்டு மனை பட்டா வழங்க கோரி வட்டாட்சியர் அலுவலகத்தில் மனு கொடுக்கும் ஆர்ப்பாட்டம் நடைபெற்றது.
இந்த ஆர்ப்பாட்டத்திற்கு மாவட்டச்செயலாளர் அர்ஜுனன் தலைமை தாங்கினார். நிர்வாகிகள் ராஜா, ஆறுமுகம், சங்கரன் உள்பட பலர் கலந்து கொண்டு வீட்டுமனை பட்டா வழங்க கோரி கண்டன கோஷங்களை எழுப்பினர்.
அப்போது மாவட்ட செயலாளர் அர்ஜுனன் செய்தியாளர்களிடம் கூறுகையில், தமிழ்நாடு முழுவதும் கோயில்களுக்கு சொந்தமான நிலங்களில் குடியிருப்போருக்கு வீட்டுமனை பட்டா வழங்கப்படும் என்று தமிழ்நாடு அரசு சமீபத்தில் அரசாணை வெளியிட்டது.
ஆனால் இந்த அரசாணை நீதிமன்ற உத்தரவின்பேரில் தடுத்து நிறுத்தப்பட்டுள்ளது. இது வருந்தக்கூடியது. பல வருடங்களாக சொந்த வீடு இல்லாமல் வாடகை வீட்டில் குடியிருந்து வரும் மக்களுக்கு, வீட்டுமனை பட்டா வழங்கும் இந்த அரசாணையை செயல்படுத்த வேண்டும்.
இல்லையெனில் தனியாரிடம் இருந்து நிலத்தை வாங்கி வீட்டுமனை பட்டா வழங்க தமிழ்நாடு அரசு நடவடிக்கை எடுக்க வேண்டும் என தெரிவித்தார்.
இதையும் படிங்க:
