திருவாரூர் மாவட்டம், மன்னார்குடி அருகே ஏத்துக்குடி கிராமத்தில் நேற்று (ஆக. 9) ஊர் கூட்டம் நடைபெற்றது. அப்போது ஏத்தக்குடி பஞ்சாயத்து தலைவர் ராஜேஸ்வரியின் கணவர் பன்னீர்செல்வம் கூட்டத்திற்கு தாமதமாக வந்ததாகக் கூறப்படுகிறது. இதனால் பன்னீர்செல்வத்திற்கும், கூட்டத்தில் இருந்த சிலருக்கும் இடையே வாக்குவாதம் ஏற்பட்டதாகவும் கூறப்படுகிறது.
இந்த வாக்குவாதம் சிறிது நேரத்தில் கைகலப்பாக மாறியதில் ஏத்தக்குடி பஞ்சாயத்து தலைவர் ராஜேஸ்வரியின் கணவர் பன்னீர்செல்வம் தாக்கப்பட்டு மேல் சிகிச்சைக்காக தஞ்சாவூரில் உள்ள தனியார் மருத்துவமனையில் அனுமதிக்கப்பட்டுள்ளார்.
இந்தச் சம்பவத்தைக் கண்டித்தும், பன்னீர்செல்வத்தை தாக்கிய நபர்கள்மீது நடவடிக்கை எடுக்க வேண்டி வலியுறுத்தியும் இன்று (ஆக. 10) ஆர்ப்பாட்டம் நடைபெற்றது. தலையமங்கலம் காவல் நிலையம் அருகே நடைபெற்ற இந்த ஆர்ப்பாட்டத்தில் கிராம மக்கள் ஏராளமானோர் பங்கேற்று கோஷங்களை எழுப்பினர்.
இதனையடுத்தது பன்னீர்செல்வத்தை தாக்கிவிட்டு தலைமறைவானவர்கள்மீது தலையமங்கலம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
இதையும் படிங்க:பஞ்சாயத்து தலைவர் இருக்கையில் டிக்டாக் செய்து சர்ச்சையில் சிக்கிய தலைவரின் கணவர்
