திருவண்ணாமலை மாவட்டம் வந்தவாசி நகரில் காஞ்சிபுரம் சாலையில் உள்ள உயர் மின் கம்பம் மரம், செடி கொடிகளால் சூழப்பட்டுள்ளது. மின் கம்பிகள் செல்லும் கம்பத்தில் உச்சிவரை செடி, கொடிகள் சூழ்ந்து கம்பமே தெரியாத வகையில் பசுமையாக காட்சியளிக்கிறது.
இந்நிலையில், இந்த வழியாக மேய்ச்சலுக்கு விடப்படும் கால்நடைகள், எதிர்பாராதவிதமாக மனிதர்கள் அந்த செடிகொடிகளை தொட நேர்ந்தால் அவர்களுக்கு ஆபத்து காத்துக் கொண்டிருக்கும் நிலை உள்ளது.
தமிழ்நாடு மின்சார வாரிய அலுவலர்கள் உடனடியாக மின்கம்பத்தைச் சூழ்ந்துள்ள செடி, கொடிகளை அப்புறப்படுத்தி மனிதர்கள், கால்நடைகளுக்கு ஆபத்து நேர்வதற்கு முன்னதாக நடவடிக்கை எடுக்க வேண்டும் என்பதே பொதுமக்கள், சமூக ஆர்வலர்களின் கோரிக்கையாக உள்ளது.
இதையும் படிங்க: திமுகவின் வெற்றியைத் தடுக்க அதிமுக அரசு சதி!
