கருணாநிதி சிலைக்கு அன்னதான படையல்...பொதுமக்களுக்கு அன்னதானம்!

திருவண்ணாமலையில் சமீபத்தில் திறக்கப்பட்ட முன்னாள் முதலமைச்சர் கருணாநிதி சிலைக்கு அன்னதான படையல் படைக்கப்பட்டு பொதுமக்களுக்கு அன்னதானம் வழங்கப்பட்டது.

திருவண்ணாமலை: மாவட்டத்தில் கிரிவலப் பாதை பேரறிஞர் அண்ணா நுழைவாயில் அருகே முன்னாள் முதலமைச்சர் கருணாநிதியின் சிலையை ஜூலை 8ஆம் தேதி தமிழக முதலமைச்சர் ஸ்டாலின் திறந்து வைத்தார்.

இதனைத் தொடர்ந்து நேற்று (ஜூலை 15) திருவண்ணாமலை திமுக தெற்கு மாவட்ட இளைஞர் அணி சார்பில் திமுக மாநில மருத்துவ அணி துணைத் தலைவர் எ.வ.வே. கம்பன் தலைமையில் கருணாநிதி சிலைக்கு மாலை அணிவித்து மரியாதை செலுத்தப்பட்டது.

பின்பு தேங்காய் உடைத்து அன்னதானம் படையலிட்டு பொது மக்களுக்கு வழங்கப்பட்டது. இந்நிகழ்ச்சியில் திருவண்ணாமலை நாடாளுமன்ற உறுப்பினர் சி.என்.அண்ணாதுரை, மற்றும் திமுக நிர்வாகிகள் கலந்து கொண்டனர்.

இதையும் படிங்க: கருணாநிதிக்கு சிலை வைப்பதை எதிர்த்த வழக்கு தள்ளுபடி - உயர் நீதிமன்றம்!