போகிப்பண்டிகை உற்சாக கொண்டாட்டம்

திருவள்ளூர்: தீய பழக்கங்களை தீயிட்டுக் கொளுத்தி புது வாழ்க்கையைத் தொடங்க வேண்டும் என்பதை வலியுறுத்தி பொது மக்கள் போகிப் பண்டிகையை உற்சாகமாக கொண்டாடினர்.

பொங்கல் பண்டிகைக்கு முந்தைய நாளான இன்று போகிப் பண்டிகை கொண்டாடப்படுகிறது. பழையன கழிதலும், புதியன புகுதலும் என்ற அடிப்படையில் நம் முன்னோர்கள், இந்த போகி பண்டிகையினை கொண்டாடி வருகின்றனர்.

திருவள்ளூர் மாவட்டத்தில் பல்வேறு பகுதிகளில் பழைய ஆடைகள், பழைய பாய்கள், தேவையில்லாத பொருட்கள் ஆகியவற்றை பொது மக்கள் எரித்து போகியைக் கொண்டாடினர்.

காக்களூர் பகுதியில் சிறுவர்கள் முதல் பெரியவர்கள் வரை மேளதாளங்கள் இசைத்து, போகிப் பண்டிகையை உற்சாகமாக கொண்டாடி மகிழ்ந்தனர்.

இதையும் படிங்க: பொங்கல் பரிசு 21ஆம் தேதி வரை கிடைக்கும் - தமிழ்நாடு அரசு