திருவள்ளூர்: திருவள்ளூர் மாவட்டம் வேப்பம்பட்டு ரயில் நிலையத்தில் ரயில்வே மேம்பாலம் கடந்த 10 ஆண்டுகளுக்கு முன்பு அடிக்கல் நாட்டப்பட்டு, பணிகளானது தொடங்கப்பட்டது. ஆனால், பணியானது 50 சதவீதம் நிறைவடைந்த பின், எவ்வித பணிகளும் மேற்கொள்ளாமல் கிடப்பில் உள்ளது.
இதனால் அப்பகுதி மக்கள் பெரும் சிரமத்திற்கு உள்ளாகியுள்ளனர். வேப்பம்பட்டு பகுதியைச் சேர்ந்த ஆயிரக்கணக்கான மக்கள் தினந்தோறும் தண்டவாளத்தைக் கடந்து ஆபத்தான முறையில் பயணித்து வருகின்றனர்.
இதற்கிடையே நேற்றைய முன்தினம், தண்டவாளத்தைக் கடக்க முயன்ற தந்தை மற்றும் இரண்டு மகள்கள் என மூன்று பேர் மின்சார ரயில் மோதி சம்பவ இடத்திலேயே உயிரிழந்தனர். இதனைத் தொடர்ந்து, நேற்று பாதியில் நிறுத்தப்பட்டுள்ள மேம்பாலப் பணிகள் குறித்தும், தற்காலிகமாக பாதை அமைத்து தருவது குறித்தும் அம்மாவட்ட ஆட்சியர் பிரபு சங்கர் நேரில் சென்று, சம்பந்தப்பட்ட அதிகாரிகளிடம் பணிகள் குறித்து கேட்டறிந்து ஆய்வு மேற்கொண்டார்.
-
வேப்பம்பட்டு ரயில்நிலையத்தில் 19.11.2023 அன்று ரயில்பாதையை கடக்கும்போது ரயில் மோதி 3நபர்கள் உயிரிழந்ததை தொடர்ந்து, இன்று அவ்விடத்தை பார்வையிட்டு ஆய்வுசெய்து, விரைவில் அங்கு சுரங்கநடைபாதை (ம) மேம்பால பணிகள் மேற்கொள்வது குறித்து சம்பந்தப்பட்ட துறை அலுவலர்களுக்கு அறிவுறுத்தப்பட்டது pic.twitter.com/rWCL4h3Nb4
— Collector Tiruvallur (@TiruvallurCollr) November 21, 2023 " class="align-text-top noRightClick twitterSection" data="
">வேப்பம்பட்டு ரயில்நிலையத்தில் 19.11.2023 அன்று ரயில்பாதையை கடக்கும்போது ரயில் மோதி 3நபர்கள் உயிரிழந்ததை தொடர்ந்து, இன்று அவ்விடத்தை பார்வையிட்டு ஆய்வுசெய்து, விரைவில் அங்கு சுரங்கநடைபாதை (ம) மேம்பால பணிகள் மேற்கொள்வது குறித்து சம்பந்தப்பட்ட துறை அலுவலர்களுக்கு அறிவுறுத்தப்பட்டது pic.twitter.com/rWCL4h3Nb4
— Collector Tiruvallur (@TiruvallurCollr) November 21, 2023வேப்பம்பட்டு ரயில்நிலையத்தில் 19.11.2023 அன்று ரயில்பாதையை கடக்கும்போது ரயில் மோதி 3நபர்கள் உயிரிழந்ததை தொடர்ந்து, இன்று அவ்விடத்தை பார்வையிட்டு ஆய்வுசெய்து, விரைவில் அங்கு சுரங்கநடைபாதை (ம) மேம்பால பணிகள் மேற்கொள்வது குறித்து சம்பந்தப்பட்ட துறை அலுவலர்களுக்கு அறிவுறுத்தப்பட்டது pic.twitter.com/rWCL4h3Nb4
— Collector Tiruvallur (@TiruvallurCollr) November 21, 2023
இதையடுத்து செய்தியாளர்களைச் சந்தித்த அவர் கூறியதாவது, “வேப்பம்பட்டு ரயில் நிலையத்தில் ஏற்கனவே பாதியில் நிறுத்தப்பட்டுள்ள சுரங்கப்பாதை பணிகள் முழுமையாக செய்வதற்கு நில எடுப்பு சம்பந்தமான அறிவுரைகள் அதிகாரிகளுக்கு வழங்கப்பட்டுள்ளது. அதேபோல் ரயில்வே நிர்வாக அதிகாரிகளிக்கும் சில அறிவுரைகள் வழங்கப்பட்டுள்ளது. அவர்களும் மேம்பாலப் பணிகள் மீண்டும் தொடங்கப்படும் எனவும், ரயில் நிலையத்தில் சரியான நடைபாதை அமைத்து தரப்படும் எனவும் உறுதி அளித்ததாகவும்” தெரிவித்தார்.
மேலும், இந்த பணிகள் முடிவடையும் வரை தண்டவாளத்தைக் கடக்கும் பயணிகளுக்கு முன்னெச்சரிக்கை செய்வதற்கு 24 மணி நேரமும் காவலர் ஒருவர் நியமிக்கப்பட உள்ளதாகவும் தெரிவித்தார். அதேநேரம், சுரங்கப்பாதை சம்பந்தப்பட்ட பிரச்னைகளை சரி செய்து விரைவில் பணிகள் முடிவடந்து, மக்கள் பயன்பாட்டிற்கு வரும் எனவும் தெரிவித்தார்.
தொடர்ந்து பேசிய அவர், ரயில்வே மேம்பாலம் பணிக்காக நிதி ஒதுக்கப்பட்டுள்ளதாகவும், அதற்கான பணிகள் டெண்டர் விடப்பட்டு ஆறு மாதத்திற்குள் முடிக்கப்படும் எனவும் கூறினார். வேப்பம்பட்டு மட்டுமல்லாமல் மற்ற பகுதிகளிலும் இனிவரும் காலங்களில் இது போன்ற சம்பவங்கள் நடைபெறாமல் இருக்க, கூட்டு புலத் தணிக்கை செய்து உரிய தீர்வு எடுக்கப்படும் என தெரிவித்தார்.
இந்த ஆய்வின்போது வேப்பம்பட்டு ஊராட்சி மன்றத் தலைவர் ராஜேஸ்வரி சேகர், நெடுஞ்சாலைத் துறை கோட்ட பொறியாளர்கள் முனைவர்.செல்வநம்பி, கணேசன், இரயில்வே துறை கோட்ட பொறியாளர் ஜம்ஷீர், உதவி கோட்ட பொறியாளர் சரவணன், திருவள்ளூர் வட்டாட்சியர் சுரேஷ் குமார் மற்றும் பல்வேறு துறை அரசு அலுவலர்கள் உடன் இருந்தனர்.
இதையும் படிங்க: தேனியில் மகளிர் சுய உதவி குழுக்களுக்கு வழங்க வேண்டிய ரூ.50 லட்சம் கடன் மோசடி..? வங்கியை முற்றுகையிட்டு பெண்கள் போராட்டம்!
