திருவள்ளூர் மாவட்டம் பழவேற்காட்டில் மேல்மருவத்தூர் ஆதிபராசக்தி வழிபாட்டு மன்றத்தின் சார்பில் உலக மக்கள் அனைவரும் போர்,வன்முறையின்றி, அமைதியுடன் வாழவும்,பருவ மழை பெய்து மக்கள் வாழ்வாதாரத்தை காக்கவும் அருள்மிகு அசலாத்தம்மன் ஆலயத்தில் வழிபாடு நடைபெற்றது. மேல்மருவத்தூர் ஆதிபராசக்தி வழிபாட்டு மன்ற நிர்வாகி சக்தி முத்துசாமி ஏற்பாட்டில் அசலாத்தம்மன் ஆலயத்தில் கூட்டு வழிபாடு, வருண பகவான் மந்திரம் ஜெபிக்கும் நிகழ்ச்சியும் நடைபெற்றது.
மழை வேண்டி சிறப்பு வழிபாடு
பின்னர் ஏழை எளியோருக்கு அன்னதானம் வழங்கும் நிகழ்ச்சி நடைபெற்றது.இந்நிகழ்ச்சியில் பழவேற்காடு முன்னாள் ஊராட்சி தலைவர் பி எல் சி ரவி, அருள்மிகு ஸ்ரீ காளிகாம்பாள் ஆலய அறங்காவலர் பி.எஸ்.பழனியப்பன் அன்னதானம் வழங்கினர்.
