திருவள்ளூர் ஸ்ரீ வீரராகவ பெருமாள் திருக்கோயிலில் அமாவாசை நாளில் ஆந்திரா, தமிழ்நாடு மக்கள் இரவில் தங்கி திருக்குளத்தில் தங்களின் முன்னோர்களுக்கு தர்ப்பணம் கொடுக்கும் நிகழ்வு நடைபெறுவது வழக்கம்.
கோயில் சுற்றி தடுப்புகள்
இந்நிலையில், கரோனா பரவலை தடுக்கும் வகையில் தமிழ்நாடு அரசு ஊரடங்கு அறிவிக்கப்பட்ட நாள்முதல் தர்ப்பணம் கொடுக்கும் நிகழ்ச்சியானது, ரத்து செய்யப்படுவதாக கோயில் நிர்வாகம் அறிவித்தது.
எனினும், சிலர் கோயில் முன்பாக அவர்கள் முன்னோர்களுக்கு தர்பணம் கொடுத்து வருகின்றனர். இதைத் தடுக்கும் விதமாக காவல் துறையினர் கோயில் சுற்றி தடுப்புகள் அமைத்து பாதுகாப்பை பலப்படுத்தி உள்ளனர்.
